چین کا نیوکورونا وائرس سے نمٹنے کے لیے مخصوص امریکی طبی آلات کی درآمد پر محصولات ختم کرنے کا اعلان

منگل 18 فروری 2020 13:12

بیجنگ (اُردو پوائنٹ اخبارتازہ ترین - اے پی پی۔ 18 فروری2020ء) چین نے نیوکورونا وائرس سے نمٹنے کے لیے مخصوص امریکی طبی آلات کی درآمد پر 2 مارچ سے محصولات ختم کرنے کا اعلان کردیا۔

(جاری ہے)

سٹیٹ کونسل کے محصولات کمیشن کے بیان کے مطابق ملک میں نیوکورونا وائرس سے 72 ہزار سے زیادہ افراد متاثر جبکہ 18 سو سے زیادہ ہلاک ہوچکے ہیں جس کی روک تھام کے لیے امریکا سے مخصوص طبی آلات کی درآمد کی ضرورت ہے جن پر درآمدی محصول 2 مارچ سے ختم کردیا جائے گا، جن مصنوعات پر درآمدی محصول ختم کیا جارہا ہے ان میں مریض کا مانیٹر، بلڈ ٹرانسفیوژن اور بلڈ پریشر جانچنے کے آلات شامل ہیں۔

کمیشن کا کہنا ہے کہ اس عمل کا مقصد چینی صارفین کی بڑھتی ضروریات کو پورا کرنا ہے، اس حوالے سے چین میں موجود فرموں کی درخواستیں ہی قبول کی جائیں گی۔بیان میں بتایا گیا ہے کہ امریکی طبی آلات کی درآمد پر محصول کی چھوٹ صرف محدود عرصے کے لیے حاصل ہوگی۔