ویمن ڈے کے موقع پر خواتین ٹین پن بائولنگ کے نمائشی مقابلے 8 مارچ کو منعقد ہونگے

منگل 18 فروری 2020 15:24

اسلام آباد (اُردو پوائنٹ اخبارتازہ ترین - این این آئی۔ 18 فروری2020ء) پاکستان ٹین پن بائولنگ فیڈریشن کے زیراہتمام اور پاکستان سپورٹس بورڈ کے تعاون سے ویمن ڈے کے موقع پر خواتین ٹین پن بائولنگ کے نمائشی مقابلے 8 مارچ کو لیژر سٹی بائولنگ کلب جناح پارک راولپنڈی میں کھیلے جائیں گے، مقابلوں کے اختتام پر وفاقی وزیر بین الصوبائی رابطہ ڈاکٹر فہمیدہ مرزا مہمان مہمان خصوصی ہونگی جبکہ اس موقع پر پاکستان سپورٹس بورڈ کی ڈائریکٹر جنرل آمنہ عمران بھی موجود ہونگی، پاکستان ٹین پن بائولنگ فیڈریشن کے صدر اعجاز الرحمن نے بتایاکہ ایونٹ کی تیاریاں ابھی سے شروع کردی گئی ہیں ان مقابلوں میں اسلام آباد اور راولپنڈی کی خواتین شرکت کریں گی۔

(جاری ہے)

مقابلوں کے اختتام پر کامیابی حاصل کرنے والی کھلاڑیوں میں ٹرافیاں اور اسناد تقسیم کی جائیں گی۔ مزید معلومات کے لئے پاکستان ٹین پن بائولنگ فیڈریشن کے سیکرٹری جنرل محمد حسین چٹھہ نے سے رابطہ قائم کیا جاسکتا ہے۔