سعودی بحری بیڑے میں ایک اور دیو ہیکل آئل ٹینکر شامل

بدھ 19 فروری 2020 00:15

ریاض ۔ (اُردو پوائنٹ اخبارتازہ ترین - اے پی پی۔ 19 فروری2020ء) سعودی جہاز رانی کے بیڑے میں ایک اور دیو ہیکل آئل ٹینکر کا اضافہ کر دیا گیا۔ سعودی پبلک ٹرانسپورٹ اتھارٹی کے مطابق سعودی جہاز رانی کے بیڑے میں ایک اور دیو ہیکل آئل ٹینکر ’درة ‘کا اضافہ کیا گیا ہے۔

(جاری ہے)

اتھارٹی کا کہنا ہے کہ دیو ہیکل ٹینکر کے اضافے سے سعودی عرب کو عالمی سطح پرتیل کی ترسیل میں کافی سہولت ہوگی۔ اس سے قبل دیوہیکل آئل ٹینکر’رمثان‘ کوسعودی جہاز رانی کے بیڑے میں شامل کیا گیا تھا۔ سعودی عرب نے یہ آئل ٹینکر جنوبی کوریا کی کمپنی سے حاصل کیا تھا۔ اسے دنیا بھر میں چوتھا بڑا آئل ٹینکر مانا جاتا ہے۔