نئی دہلی (اُردو پوائنٹ اخبارتازہ ترین - این این آئی۔ 19 فروری2020ء)
بھارتی حکام نے
مقبوضہ کشمیر میں
سوشل میڈیا پر مہینوں سے جاری پابندی کے باعث ورچوئل پرائیویٹ نیٹ ورک (وی پی این) ایپلی کیشنز کے خلاف کریک ڈاؤن کا آغاز کردیا ہے۔برطانوی میڈیا ر پورٹ کے مطابق
بھارتی حکومت کی جانب سے
مقبوضہ کشمیر میں محدود
موبائل ڈیٹا سروس اور
انٹرنیٹ بحال کرنے کے بعد
سوشل میڈیا نیٹ ورکس جیسا کہ
فیس بک، واٹس ایپ اور انسٹاگرام تاحال بلاک ہیں لہذا رہائشی افراد پابندیوں کی وجہ سے وی پی اینز یا پراکسی سرورز استعمال کررہے ہیں۔
پولیس نے کہا کہ اکثر وی پی این صارفین
مقبوضہ کشمیر میں افراتفری پیدا کرنے کی کوشش کررہے تھے اور انہیں کارروائی کا سامنا کرنا ہوگا۔سائبر
پولیس کے سربرہ طاہر اشرف نے کہا کہ ہم 100
سوشل میڈیا صارفین کی نشاندہی کی اور
سوشل میڈیا کے غلط استعمال، جعلی اور جھوٹی علیحدگی پسندی اور
بھارت مخالف پروپیگنڈا کرنے پر مزید صارفین کی شناخت کی جارہی ہے۔
(جاری ہے)
ایک ترجمان نے کہا کہ
پولیس نے میسجنگ نیٹ ورکس تک رسائی کے لیے پراکسی سرورز استعمال کرنے والے اور
بھارت مخالف پروپیگنڈا پھیلانے والے
سوشل میڈیا صارفین کے خلاف مقدمہ درج کیا ہے۔خیال رہے کہ بھارتی
وزیراعظم نریندر
مودی کی حکومت نے گزشتہ برس اگست میں
مقبوضہ کشمیر سے خصوصی اختیارات واپس لے لیے تھے
۔بھارتی حکومت نے سیکڑوں افراد کو حراست میں لے لیا تھا اور مواصلاتی بلیک آؤٹ نافذ کرتے ہوئے تھے کہا تھا کہ لوگوں کو سڑکوں پر
احتجاج سے روکنے کی ضرورت ہے۔
وی پی اینز کے ذریعے صارفین اسمارٹ فون یا لیپ ٹاپ کے ڈیٹا کنیکشن کو مقامی
انٹرنیٹ کے سروس پرووائیڈر نیٹ ورک کے بجائے نجی شعبے سے منسلک کرسکتے ہیں جس سے صارف کو ان سائٹس تک رسائی حاصل ہوجاتی ہے جو مقامی سطح پر بلاک ہوں
۔سرینگر کے کاروباری شخص 37 سالہ عادل الطاف نے کہا انہوں نے اپنے
موبائل فون میں درجنوں وی پی این ایپس ڈاؤن لوڈ کی ہیں، وہ بلاک کرتے جائیں گے میں دیگر وی پی اینز پر منتقل کرتا جاؤں گا۔
مقبوضہ
کشمیر کی رہائشی سلیمہ جان نے کہا کہ انہوں نے اپنے بیٹے سے ویڈیو چیٹ کے لیے پراکسی سرور استعمال کیا تتھا جو
بھارت کے شمالی شہر چندی گڑھ کے کالج میں پڑھتا ہے۔نریندر
مودی کی حکومت نے نئے شہریت قانون کے خلاف بڑھتے ہوئے مظاہروں کے باعث
مقبوضہ کشمیر سمیت ملک کے مختلف حصوں اور دارالحکومت نئی
دہلی میں بھی کچھ مقامات پر
انٹرنیٹ رسائی پر پابندی لگائی ہوئی ہے
۔انٹرنیٹ ایڈووکیسی گروپ ایکسیس ناؤ کی رپورٹ 2018 میں
دنیا میں
انٹرنیٹ بند کرنے والے ممالک میں
بھارت سب سے آگے تھا۔جموں و کشمر ٹیلی کام عہدیدار نے کہا کہ سافٹ انجینئرز کی ٹیمیں
مقبوضہ کشمیر میں وی پی این کے استعمال میں رکاوٹ ڈالنے کی کوشش کررہی ہیں۔
