سابق سیکریٹری سپریم کورٹ بارآفتاب باجوہ کے گھر ڈکیتی کی انوکھی واردات

ڈاکوگھرکے ملازمین کو یرغمال بنا کر واش روم کی ٹوٹیاں اور گھاس کاٹنے کی مشین لے اڑے

بدھ 19 فروری 2020 22:28

لاہور(اُردو پوائنٹ اخبارتازہ ترین۔ 19 فروری2020ء) سابق سیکریٹری سپریم کورٹ بارآفتاب باجوہ کے گھر ڈکیتی کی انوکھی واردات،ڈاکوگھرکے ملازمین کو یرغمال بنا کر واش روم کی ٹوٹیاں اور گھاس کاٹنے کی مشین لے اڑے، تھانہ فیصل ٹائون میں درخواست جمع، پولیس اندراج مقدمہ سے گریزکر رہی ہے۔میڈیا رپورٹس کے مطابق سپریم کورٹ کے سابق بارسیکریٹری آفتاب باجوہ کے گھر ڈکیتی کی انوکھی واردات پیش آئی ہے۔

تفصیلات کے مطابق سپریم کورٹ کے سابق سیکریٹری آفتاب باجوہ کے گھر انوکھی واردات پیش آئی ،ڈاکووئں نے واش روم ٹوٹیاں اور گھاس کاٹنے والی مشینیں چوری کر لیں۔ بتایا گیا ہے کہ سپریم کورٹ کے سابق سیکریٹری آفتاب باجوہ نے تھانہ فیصل ٹائون میں درخواست جمع کرائی ہے جس میں کہا گیا کہ ڈاکوئوں نے گن پوائنٹ پر ملازمین کو یرغمال بنا لیا، اور واش روم کی ٹونٹیاں اور گھا س کاٹنے والی مشین لے اڑے۔

(جاری ہے)

دوسری جانب پولیس نے ڈکیتی کی درخواست پر مقدمہ درج کرنے سے انکار کر دیا ہے۔ درخواست گزار کا کہنا ہے کہ ماڈل ٹائون میں ایسی وارداتوں میں تیزی کے ساتھ اضافہ ہو رہا ہے تاہم پولیس کسی قسم کی کارروائی کرنے سے گریزہ ہے۔