ایل ڈی اے سٹی کے ترقیاتی اخراجات وصول کرنے کے لئے چالان فارم جاری کرنے کی ہدایت

جمعہ 21 فروری 2020 15:21

لاہور (اُردو پوائنٹ اخبارتازہ ترین - اے پی پی۔ 21 فروری2020ء) لاہور ڈویلپمنٹ اتھارٹی ( ایل ڈی اے )کے ایڈیشنل ڈائریکٹرجنرل اربن پلاننگ رانا ٹکان خان نے دس ہزار فائل ہولڈرز سے ایل ڈی اے سٹی کے ترقیاتی اخراجات(ڈویلپمنٹ چارجز)وصول کرنے کے لئے چالان فارم جاری کرنے کی ہدایت کر دی۔

(جاری ہے)

اس مقصد کے لئے ڈائریکٹر آئی ٹی عبدالباسط قمر کی سربراہی میں تین رکنی کمیٹی تشکیل دے دی گئی جس کے دیگر ارکان میں ڈپٹی ڈائریکٹر ریونیو بسمہ آصف اور ڈپٹی ڈائریکٹر آئی ٹی نصرت شہباز شامل ہیں۔

ترجمان ایل ڈی اے کے مطابق ایل ڈی اے کی گورننگ باڈی کے فیصلے کے مطابق فائل مالکان کو نصف ترقیاتی اخراجات جمع کروانے ہوں گے ۔دو کنال رقبے کے پلاٹ مالکان سے 23لاکھ روپے ، ایک کنال کے مالکان سے ساڑھے گیارہ لاکھ روپے ، 10مرلے والوں سے 6لاکھ90ہزار روپے جبکہ پانچ مرلے والوں سے چار لاکھ روپے وصول کئے جائیں گے ۔ نوٹیفکیشن کے مطابق کمرشل پلاٹوں کے لئے ترقیاتی اخراجات پانچ لاکھ روپے فی مرلہ مقرر کئے گئے ہیں۔

Facebook Twitter Google + Share on Whatsapp

ایل ڈی اے سٹی کے ترقیاتی اخراجات وصول کرنے کے لئے چالان فارم جاری کرنے کی ہدایت

متعلقہ عنوان :

مزید قومی خبریں