شہباز تتلا اور ایس ایس پی مفخر عدیل کیس میں نیا موڑ آ گیا

تیزاب اور مٹی ڈرامہ شوٹ کرنے کا کہہ کر منگوائے گئے ،پولیس کو مفخر عدیل کے لا پتہ ملازم عرفان کی تلاش

ہفتہ 22 فروری 2020 15:10

شہباز تتلا اور ایس ایس پی مفخر عدیل کیس میں نیا موڑ آ گیا
لاہور(اُردو پوائنٹ اخبارتازہ ترین - این این آئی۔ 22 فروری2020ء) شہباز تتلا اور ایس ایس پی مفخر عدیل کیس میں نیا موڑ آ گیا ،مبینہ طور پر تیزاب اور مٹی ڈرامہ شوٹ کرنے کا کہہ کر منگوائے گئے ۔ نجی ٹی وی نے اسد بھٹی اور مفرور ایس ایس پی کے دوستوں نے نیا انکشاف کیا ہے جس میں کہا گیا ہے کہ مفخر عدیل نے کوئی ڈرامہ لکھا جس کے شوٹ کے لئے تیزاب منگوایا تیزاب لانے کی ذمہ داری مفخر عدیل کے ذاتی ملازم عرفان کی تھی ،عرفان قسطوں میں تیزاب کی گیلنز لاتا رہا ،دھول اڑانے کیلئے مٹی بھی ڈرامہ شوٹ کا کہہ کر منگوائی گئی ۔

(جاری ہے)

پولیس کے مطابق عرفان کی گرفتاری کے لئے تین مقامات پر چھاپے مارے گئے لیکن تاحال اس کی گرفتاری ممکن نہیں ہوسکی ۔ تفتیشی اداروں کو مفخر عدیل کے ذاتی ملازم عرفان کی تلاش ہے ،ایس ایس پی مفخر عدیل کے لاپتہ ہوتے ہی عرفان بھی لاپتہ ہوگیا تھا ۔پولیس کو شبہ ہے کہ ملازم عرفان ایس ایس پی کے ساتھ ہی گیا ہے ۔فیصل ٹائون والے مکان کی دیکھ بھال بھی عرفان کے ذمہ تھی،مفخر عدیل نے فیصل ٹائون گھر کی چابی بھی عرفان کو دے رکھی تھی ۔ پولیس کو شک ہے کہ عرفان کے پاس شہباز اور مفخر کے لاپتہ کیس میں اہم معلومات ہیں ۔

متعلقہ عنوان :