احتساب عدالت نے اسحاق ڈار کیخلاف آمدن سے زائد اثاثہ جات ضمنی ریفرنس کی سماعت 4 مارچ تک ملتوی کر دی

پیر 24 فروری 2020 20:57

اسلام آباد ۔ (اُردو پوائنٹ اخبارتازہ ترین - اے پی پی۔ 24 فروری2020ء) احتساب عدالت نے سابق وزیر خزانہ اسحاق ڈار کیخلاف آمدن سے زائد اثاثہ جات ضمنی ریفرنس کی سماعت 4 مارچ تک ملتوی کر دی ہے۔ پیر کو احتساب عدالت اسلام آباد کے جج محمد بشیر نے سابق وزیر خزانہ اسحاق ڈار کیخلاف آمدن سے زائد اثاثہ جات ضمنی ریفرنس پر سماعت کی۔

(جاری ہے)

نیب پراسیکیوٹر افضل قریشی، تفتیشی افسر نادر عباس اور وکیل صفائی قاضی مصباح سمیت شریک ملزمان سعید احمد اور منصور رضا عدالت کے روبرو پیش ہوئے۔

دوران سماعت شریک ملزم سعید احمد کے وکیل نے عدالت کو آگاہ کیا کہ ان کا موکل مختلف بیماریوں میں مبتلا ہے، حاضری سے مکمل استثنی دیا جائے۔ عدالت نے درخواست منظور کرتے ہوئے ضمنی ریفرنس پر سماعت چار مارچ تک ملتوی کر دی۔