اسحاق ڈار آمدن سے زائد اثاثے ریفرنس، شریک ملزم سعید احمد خان کو عدالتی ریلیف مل گیا

کیس کی مزید سماعت 4 مارچ تک ملتوی

پیر 24 فروری 2020 21:51

اسحاق ڈار آمدن سے زائد اثاثے ریفرنس، شریک ملزم سعید احمد خان کو عدالتی ..

اسلام آباد (اُردو پوائنٹ اخبارتازہ ترین - آن لائن۔ 24 فروری2020ء) احتساب عدالت میں اسحاق ڈارآمدن سے زائد اثاثہ جات ریفرنس کی سماعت کے دوران شریک ملزم سعید احمد خان کو عدالتی ریلیف مل گیا۔احتساب عدالت میں اسحاق ڈارآمدن سے زائد اثاثہ جات ریفرنس کی سماعت کے دوران نیب کے تفتیشی افسر نادر عباس عدالت میں پیش ہوئے۔

(جاری ہے)

ملزم سعید احمد خان کی عدالتی حاضری سے مستقل استشنی کی درخواست دائر کی گئی جس میں موقف اختیار کیا گیا کہ سعید احمد خان کو متعدد امراض کا سامنا ہے۔عدالت نے سابق صدرنیشنل بنک سعید احمد خان کو مستقل استشنی دینے کی درخواست منظور کر لی تاہم نیب تفتیشی افسر کے بیان پر جرح مکمل نہ ہو سکی، احتساب عدالت نے کیس کی مزید سماعت 4 مارچ تک ملتوی کر دی۔