ملک میں سونے کی درآمدات میں سات ماہ کے دوران 3.61 فیصد اضافہ ہوا، شماریات بیورو

منگل 25 فروری 2020 15:57

اسلام آباد (اُردو پوائنٹ اخبارتازہ ترین - اے پی پی۔ 25 فروری2020ء) ملک میں سونے کی درآمدات میں جاری مالی سال کے دوران گزشتہ مالی سال کے مقابلے میں 3.61 فیصد اضافہ ریکارڈ کیا گیاہے۔

(جاری ہے)

پاکستان بیوروبرائے شماریات کے مطابق جولائی 2019 ء سے لیکرجنوری 2020ء تک کی مدت میں سونے کی درآمدات پر10.068 ملین ڈالر کازرمبادلہ صرف ہوا، یہ شرح گزشتہ مالی سال کے اسی عرصہ کے مقابلے مٰں 3.61 فیصد زیادہ ہے، گزشتہ مالی سال کے اسی عرصہ میں سونے کی درآمدات پر9.717 ملین ڈالر کازرمبادلہ صرف ہواتھا۔

تاہم دلچسپ امریہ ہے کہ مقداری لحاظ سے سونے کی درآمدات میں 3.23 فیصد کی کمی دیکھنے میں آئی، جاری مالی سال کے پہلے 7 ماہ میں 240 کلوگرام سونا درآمد کیا گیا، گزشتہ مالی سال کے اسی مدت میں 248 کلوگرام سونا درآمد کیاگیا تھا۔جنوری 2020 ء میں سونے کی درآمدات میں کمی کا تناسب 7.13 فیصد ریکارڈ کیا گیا۔