سچن ٹنڈولکر کا غلط نام لینے پر آئی سی سی نے بھی ٹرمپ کا مذاق اڑا دیا

منگل 25 فروری 2020 20:32

نئی دہلی(اُردو پوائنٹ اخبارتازہ ترین - این این آئی۔ 25 فروری2020ء) امریکی صدر گزشتہ روز دو روزہ دورے پر بھارت پہنچے تھے جہاں احمد آباد اسٹیڈیم میں ’نمستے ٹرمپ ‘ تقریب سے خطاب کے دوران انہوں نے بھارتی کرکٹر سچن ٹنڈولکر کا نام غلط لیا۔

(جاری ہے)

نمستے ٹرمپ تقریب کے موقع پر اسٹیڈیم میں ہزاروں لوگوں سے بھرا ہوا تھا اور جیسے ہی امریکی صدر ڈونلڈ ٹرمپ نے سچن ٹنڈولکر اور ویرات کوہلی کے نام غلط تلفظ سے ادا کیا تو پورا اسٹڈیم قہقہوں سے گونج اٴْٹھا۔

خطاب کے دوران امریکی صدر نے جب بھارتی کرکٹر کے نام غلط تلفظ سے ادا کیے تو بھارتی صدر نریندر مودی بھی مسکرا گئے۔بعد ازاں سوشل میڈیا پر امریکی صدر کی ویڈیو خوب وائرل ہوئی اور اسی دوران انٹرنیشنل کرکٹ کونسل (آئی سی سی) نے بھی ایک ٹوئٹ شیئر کیا جس میں انہوں نے امریکی صدر ڈونلڈ ٹرمپ کا مذاق اڑایا۔آئی سی سی نے اپنے ٹوئٹ میں امریکی صدر کے خطاب کے دوران بھارتی کرکٹر سچن ٹنڈولکر کے نام کے غلط تلفظ کا مذاق اڑایا۔