پاکستان سپر لیگ ، اسلام آباد یونائیٹڈ اور کوئٹہ گلیڈی ایٹرز کے درمیان (پرسوں) راولپنڈی میں کھیلا جائے گا

منگل 25 فروری 2020 21:02

راولپنڈی ۔ (اُردو پوائنٹ اخبارتازہ ترین - اے پی پی۔ 25 فروری2020ء) ایچ بی ایل پاکستان سپر لیگ (پی ایس ایل) میں اسلام آباد یونائیٹڈ اور کوئٹہ گلیڈی ایٹرز کے درمیان (پرسوں) جمعرات کو پنڈی کرکٹ سٹیڈیم میں میچ کھیلا جائے گا۔ ایچ بی ایل پاکستان سپر لیگ (پی ایس ایل) کے راولپنڈی میں 8 میچز کھیلے جائیں گے۔ راولپنڈی میں 27 فروری کو پہلا میچ اسلام آباد یونائیٹڈ اور کوئٹہ گلیڈی ایٹرز کے درمیان کھیلا جائے گا۔

(جاری ہے)

دوسرا میچ 28 فروری کو پشاور زلمی اور لاہور قلندرز، تیسرا میچ 29 فروری کو پشاور زلمی اور اسلام آباد یونائیٹڈ، چوتھا میچ یکم مارچ کو اسلام آباد یونائیٹڈ اور کراچی کنگز، پانچواں میچ 2 مارچ کو پشاور زلمی اور کراچی کنگز، چھٹا میچ 5 مارچ کو پشاور زلمی اور کوئٹہ گلیڈی ایٹرز، ساتواں میچ 7 مارچ کو پشاور زلمی اور اسلام آباد یونائیٹڈ کے درمیان کھیلا جائے گا جبکہ راولپنڈی میں 8واں اور آخری میچ 8 مارچ کو ملتان سلطان اور اسلام یونائیٹڈ کے مابین کھیلا جائے گا۔ پی ایس ایل میں ملک بھر سے 6 ٹیمیں حصہ لے رہی ہیں جن میں اسلام آباد یونائیٹڈ، کوئٹہ گلیڈی ایٹرز، پشاور زلمی، ملتان سلطان، لاہور قلندرز اور کراچی کنگز شامل ہیں۔