اب توبہ کرلی ہے کسی کے ساتھ سیلفی نہیں لوں گی‘کومل رضوی

جب تک ہرپاکستانی اپنے اندرتبدیلی نہیں لائیں گے ملک میں تبدیلی نہیں آئے گی

جمعرات 27 فروری 2020 13:13

اب توبہ کرلی ہے کسی کے ساتھ سیلفی نہیں لوں گی‘کومل رضوی

کراچی (اُردو پوائنٹ اخبارتازہ ترین - این این آئی۔ 27 فروری2020ء) معروف گلوکارہ کومل رضوی نے کہا ہے کہ اب توبہ کرلی ہے کہ کسی کے ساتھ سیلفی نہیں لوں گی ۔گزشتہ روز گفتگو کرتے ہوے گلوکارہ کومل رضوی کا کہنا تھا کہ میری بہت ساری سیلفیز وائرل ہوئیں ،ایدھی صاحب کیساتھ سیلفی لینے پر کوئی شرمندگی نہیں تاہم اب توبہ کرلی ہے کہ کسی کے ساتھ سیلفی نہیں لوں گی۔

(جاری ہے)

ان کا کہنا تھا کہ ہر انڈسٹری میں خواتین کو ہراساں کیا جارہاہے، مختلف جگہوں پرلڑکے لڑکیوں کو تنگ کرتے ہیں،شوبزمیں باٹم لائن ہے کہ آپ کوخوش باش اورفٹ رہناچاہیے، اگر آپ میں ٹیلنٹ ہے تو ہماری انڈسٹری میں بہت مواقع ہیں۔ کومل رضوی کا کہنا تھا کہ کبھی ایساوقت نہیں آیا کہ میری فیملی مجھ سے اختلاف کرے۔ ان کا مزید کہنا تھا کہ جب تک ہرپاکستانی اپنے اندرتبدیلی نہیں لائیں گے ملک میں تبدیلی نہیں آئے گی۔