امریکی کمپنی کے سابق ملازم کی فائرنگ، 5 افراد ہلاک، حملہ آور بھی مارا گیا

پولیس نے قریبی علاقوں کو گھیرے میں لے لیا، اسکولز بند

جمعرات 27 فروری 2020 21:39

واشنگٹن(اُردو پوائنٹ اخبارتازہ ترین - آن لائن۔ 27 فروری2020ء) امریکی ریاست وسکونسن کے شہر ملواکی کی کمپنی میں سابق ملازم کی فائرنگ سے 5 افراد ہلاک ہو گئے، پولیس کی فائرنگ سے حملہ آور بھی ہلاک ہو گیا۔

(جاری ہے)

خبر ایجنسی کے مطابق پانچ ساتھیوں کو ہلاک کرنے والے اکیاون سالہ شخص کو گزشتہ دنوں کمپنی سے نکالا گیا تھا، پولیس واقعے کی مزید تفتیش بھی کررہی ہے۔مقامی میڈیا کے مطابق واقعے کے بعد پولیس نے قریبی علاقوں کو گھیرے میں لے لیا اور اسکولز بھی بند کرا دیئے گئے۔ واضح رہے کہ امریکہ میں فائرنگ کے بڑھتے واقعات کے سبب عوام میں شدید تشویش پائی جاتی ہی, رواں برس امریکہ میں فائرنگ کے 40 سے زائد واقعات رپورٹ ہوئے ہیں جن میں 75 سے زائد ہلاکتوں کی اطلاع ہے۔