ترکی کے ساتھ کشیدگی، روس نے دو بحری جنگی جہاز بحیرہ روم میں بھیج دئیے

جمعہ 28 فروری 2020 14:40

ماسکو (اُردو پوائنٹ اخبارتازہ ترین - این این آئی۔ 28 فروری2020ء) روس نے کروز میزائلوں سے لیس دو بحری جنگی جہاز بحیرہ روم میں شامی ساحلی علاقے میں بھیج دئیے ۔غیرملکی خبررساں ادارے کے مطابق بتایا گیا کہ یہ جنگی بحری جہاز بحیرہ اسود سے بحیرہ روم بھیجے گئے ہیں۔

(جاری ہے)

جنگی بحری جہازوں کی تعیناتی شامی صوبے ادلب میں دمشق فضائی کارروائی میں 33 ترک فوجیوں کی ہلاکت کے بعد پیدا ہونے والی کشیدگی کے تناظر میں عمل ہیں آئی ۔ یہ بات اہم ہے کہ ترکی ادلب میں حکومت مخالف باغیوں کی مدد میں مصروف ہے، جب کہ شامی فورسز اس علاقے میں مسلسل پیش قدمی کر رہی ہیں۔