افغانستان میں قیام امن کیلئے آ ج دنیا پاکستان کے کردار کی تعریف کر رہی ہے،امید ہے کل امن معاہدے پر دستخط ہو جائیں گے، شاہ محمود قریشی
معاہدہ انٹرا افغان مذاکرات کے لیے راہ ہموار کر یگا،اللہ کرے افغانستان میں امن و استحکام آ ئے،جب ہماری حکومت وجود میں آئی تو بھارت کی کوشش تھی پاکستان کو سفارتی سطح پر تنہا کیا جائے،بھارت کو اس پر ناکامی کا سامنا کرنا پڑا، وزیر خارجہ
جمعہ 28 فروری 2020 16:17
(جاری ہے)
شاہ محمود قریشی نے کہاکہ امید ہے (آج) ہفتہ کو امریکہ اور طالبان کے درمیان امن معاہدے پر دستخط ہو جائیں گے۔ وزیر خارجہ نے کہاکہ مختلف ممالک کے وزرائے خارجہ سمیت 50 ملکوں کے نمائندے اس تقریب میں شریک ہوں گے۔
شاہ محمود قریشی نے کہاکہ پاکستان کو دعوت دی گئی کہ وہ اس سارے عمل کا حصہ بنے اور شرکت کرے۔ شاہ محمود قریشی نے کہاکہ پاکستان کے لیے یہ بہت بڑا اعزاز ہے اور پاکستان کی کوششوں کا اعتراف ہے۔ وزیر خارجہ نے کہاکہ یہاں اس وقت اس معاہدے کی تقریب کی کوریج کے پوری دنیا کا میڈیا موجود ہے۔ انہوںنے کہاکہ یہاں اس وقت دو موضوع زیر بحث ہیں،ایک امن معاہدہ اور دوسرا دلی کی تشویشناک صورتحال پر بات ہو رہی ہے۔ وزیر خارجہ نے کہاکہ دلی میں نسل کشی کی جو صورت حال دنیا کو ابھرتی دکھائی دے رہی ہے وہ بھی زیر بحث ہے۔ شاہ محمود قریشی نے کہاکہ دنیا کا تمام میڈیا اس پر بات کر رہا ہے۔ شاہ محمود قریشی نے کہاکہ فارن ریلیشنز کمیٹی کے جو اہم ممبران ہیں وہ اس پر اپنی تشویش کا اظہار کر رہے ہیں۔ وزیر خارجہ نے کہاکہ دنیا کے دانشور، اداکار اور گلوکار اس پر بات کر رہے ہیں۔ انہوںنے کہاکہ پاکستان کا تشخص ابھر رہا ہے اور بھارت کا نیچے جا رہا ہے۔ شاہ محمود قریشی نے کہاکہ جب ہماری حکومت وجود میں آئی تو بھارت کی کوشش تھی کہ پاکستان کو سفارتی سطح پر تنہا کیا جائے۔انہوںنے کہاکہ بھارت کو اس پر ناکامی کا سامنا کرنا پڑا،آ ج پاکستان کا عالمی سطح پر کردار مرکزی ہے۔ شاہ محمود قریشی نے کہاکہ بھارت نے ایف اے ٹی ایف میں پاکستان کو بلیک لسٹ کروانے کی سر توڑ کوشش کی۔ انہوںنے کہاکہ اس پر بھی بھارت کو ناکامی ہوئی۔ انہوںنے کہاکہ لوگ سوال کر رہے ہیں کہ کیا یہ بھارت کا سیکیولر چہرہ ہے،ایک جج جو انصاف کی طرف بڑھتا ہے اسکا آپ دلی سے ہریانہ تبادلہ کر دیتے ہے،صدر ٹرمپ کے دورے کے وقت خیال تھا کہ تجارتی معاہدہ ہو گا۔ انہوںنے کہاکہ دونوں ممالک کے درمیان تجارتی معاہدے پر اتفاق نہ ہو سکا،صدر ٹرمپ کی موجودگی میں دلی کے کچھ علاقوں میں کرفیو کا سماں تھا فوج گشت کر رہی تھی۔ شاہ محمود قریشی نے کہاکہ پولیس کا سہارا لے کر آ ر ایس ایس کے غنڈوے املاک جلا رہے تھے۔ وزیر خارجہ نے کہاکہ وہ مسلمانوں کو نشانہ بنا رہے تھے اور مساجد پر اپنے جھنڈے لگارہے تھے ،دنیا یہ سب کچھ ہوتا دیکھ رہی تھی۔ شاہ محمود قریشی نے کہاکہ بھارت نے پوری کوشش کی کہ افغان امن معاہدے میں رکاوٹیں کھڑی کیں۔ انہوںنے کہاکہ اس کے باوجود اگر یہ معاہدہ ہو جاتا ہے تو یہ ایک بہت بڑی کامیابی ہوگی۔ بعد ازاں میڈیا سے بات چیت کرتے ہوئے وزیر خارجہ شاہ محمود قریشی نے کہاکہ (آج)29فروری کا دن افغانستان اور افغان عوام کے لیے بڑ ا دن ہے،انشاء اللہ افغانستان امن اور مفاہمت کی جانب بڑھ رہا ہے۔ وزیر خارجہ نے کہاکہ معاہدہ انٹرا افغان مذاکرات کے لیے راہ ہموار کر یگا،اللہ کرے افغانستان میں امن و استحکام آ ئے۔مزید اہم خبریں
-
سارا پیسہ سرکاری تنخواہوں میں دیتے رہیں گے؟ عوام کو کچھ نہیں مل رہا، چیف جسٹس
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
انسولین سمیت 27 اہم ادویات کی قلت کا انکشاف‘ ڈریپ حکام نے تردید کردی
-
الیکشن کمیشن کا فیصلہ کالعدم،سپریم کورٹ نے سپیکربلوچستان اسمبلی عبدالخالق اچکزئی کوبحال کردیا
-
امریکہ نے یوکرین کو خفیہ طور پر بیلسٹک میزائل فراہم کیے
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
شیر افضل مروت کی حفاظتی ضمانت منظور،پنجاب پولیس کو گرفتاری سے روک دیاگیا
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.