دہلی میں ریاستی دہشتگردی کے ذریعے مسلمانوں میںقتل عام کیا گیا،

اس قتل عام میں پولیس اور آرایس ایس غنڈوں کو استعمال کیا گیا،عالمی برادری نے مداخلت نہ کی توصورتحال کے تباہ کن نتائج سامنے آسکتے ہیں، وزیر اعظم عمران خان

ہفتہ 29 فروری 2020 16:20

دہلی میں ریاستی دہشتگردی کے ذریعے مسلمانوں میںقتل عام کیا گیا،

اسلام آباد (اُردو پوائنٹ اخبارتازہ ترین - اے پی پی۔ 29 فروری2020ء) وزیر اعظم عمران خان نے کہا ہے کہ دہلی میںریاستی دہشتگردی کے ذریعے مسلمانوں میںقتل عام کیا گیا، اس قتل عام میں پولیس اور آرایس ایس غنڈوں کو استعمال کیا گیا،عالمی برادری نے مداخلت نہ کی توصورتحال کے تباہ کن نتائج سامنے آسکتے ہیں۔

(جاری ہے)

ہفتہ کو سماجی رابطہ کی ویب سائیٹ ٹویٹر پر اپنے ٹویٹ میں وزیر اعظم نے کہا کہ خدشہ ہے کہ اگر عالمی برادری نے مداخلت نہ کی توان واقعات کے تباہ کن نتائج سامنے آسکتے ہیں،یہ تباہ کن نتائج نہ صرف خطہ بلکہ دنیا کے لئے تباہ کن ہوںگے۔

وزیر اعظم نے کہا کہ اس سے قبل بھارتی غاصب فوج مقبوضہ کشمیر میں ایک لاکھ کشمیریوں کو شہیدکر چکی ہے،مقبوضہ کشمیر میں بھی قتل عام سے کشمیری نوجوانوں میں غم و غصہ بڑھا۔دہلی میںقتل عام سے بھارت میں موجود 20کروڑ مسلمانوں میں شدت پسندی کو فروغ ملے گا۔