کورونا وائرس کے خدشے کے پیش نظر تعلیمی ادارے بند کرنا اور پی ایس ایل کے میچز معطل کر دینا آسان فیصلے ہیں، وزیر تعلیم سندھ
تعلیمی ادارے 16 مارچ سے کھولنے کا فیصلہ برقرار رہا تو محکمہ صحت حکومت سندھ کی طرف سے جاری کردہ ہیلتھ ایڈوائزری پر عملدرآمد کو یقینی بنایا جائے گا
جمعرات 12 مارچ 2020 23:47
(جاری ہے)
ایک سوال پر صوبائی وزیر سعید غنی نے کہا کہ کورونا وائزس سے بچاؤ کے لیے حکومت سندھ کی طرف سے کیے جانے والے اقدامات دیگر صوبوں سے کافی بہتر ہیں تاہم یہ وقت اختلافات کا نہیں ہے، انہوں نے کہا کہ اس وقت کورونا وائرس کے حوالے سے صوبے میں صورتحال کنٹرول میں ہے ماہرین کے مطابق تعلیمی ادارے کھولے جاسکتے ہیں تاہم ہیلتھ ایڈوائزری پر عملدرآمد ضروری ہے، ایک سوال پر انہوں نے کہا کہ ہمارے لیے سب سے آسان فیصلہ ہے کہ اسکول بند کر دیئے جائیں، پی ایس ایل کے میچز معطل کر دیئے جائیں اور مارکیٹیں بند کر دی جائیں، تاہم ہمارے یہاں اٹلی، ایران اور دیگر زیادہ متاثرہ ممالک جیسی صورتحال ابھی نہیں ہے، انہوں نے کہا کہ ہم لاک ڈاؤن نہیں کرنا چاہتے کیونکہ سندھ میں اس وقت تک 14 کیس مثبت آئے ہیں جن میں سے ایک مریض مکمل صحت یاب ہو چکا ہے اور دوسرا بھی عنقریب صحت یاب ہو جائے گا، بقیہ 12 مریضوں کی حالت بھی خطرے سے باہر ہے، وزیر اعلیٰ سندھ کی زیر صدارت ٹاسک فورس کے اجلاس میں کورونا وائرس کے حوالے سے اٹھائے گئے اقدامات سے متعلق سوال پر صوبائی وزیر نے کہا کہ لوگوں کو اپنے اور دوسروں کے مفاد میں حکومت سندھ کی طرف سے کیے گئے اقدامات پر عملدرآمد کرنا چاہیے کیونکہ یہ ہم سب کی قومی ذمہ داری ہے کہ ہم کورونا وائرس کا مل کر مقابلہ کریں ۔
قبل ازیں صوبائی وزیر تعلیم سعید غنی نے شہباز ہال حیدرآباد میں حیدرآباد، میرپور خاص اور شہید بینظیرآباد ڈویژنوں کے محکمہ تعلیم کے افسران کے ساتھ کورونا وائرس سے متعلق محکمہ صحت سندھ کی ہیلتھ ایڈوائزری پر عملدرآمد اور اسکولوں کو کھولنے سے متعلق ایک اجلاس کی صدارت کی، صوبائی وزیر نے متعلقہ افسران کو ہدایت کی کہ 16 مارچ سے تعلیمی ادارے کھل جانے کے بعد وہ محکمہ صحت کی جانب سے جاری کردہ ہیلتھ ایڈوائزری پر عملدرآمد کو یقینی بنائیں، انہوں نے کہا کہ 16 مارچ سے مختلف جماعتوں کے امتحانات بھی شروع ہورہے ہیں اس سلسلے میں امتحانی مراکز پر بھی ہیلتھ ایڈوائزری پر عملدرآمد کو یقینی بنایا جائے گا، انہوں نے کہ ہیلتھ ایڈوائزری سے متعلق ایف ایم ریڈیو اور دیگر میڈیا کے ذریعے زیادہ سے زیادہ عوام میں آگاہی پیدا کی جائے تاکہ احتیاطی تدابیر اختیار کر کے اس وائرس کے پھیلاؤ کو روکا جاسکے، کمشنر حیدرآباد محمد عباس بلوچ نے صوبائی وزیر کو یقین دلایا کہ حکومت کی جانب سے جاری کردہ احکامات پر عملدرآمد کو یقینی بنانے کے لیے تمام تر وسائل بروئے کار لائے جائیں گے، اجلاس میں سیکریٹری اسکولز خالد حیدر شاہ اور سیکریٹری کالجز رفیق برڑو سمیت دیگر متعلقہ افسران بھی موجود تھے۔مزید قومی خبریں
-
صوبائی وزیر صحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ آ گئی
-
کراچی، لانڈھی خود کش حملہ، 2 ویڈیوز منظرِ عام پر آ گئیں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.