کورونا وائرس، آزاد کشمیر میں ہیلتھ ایمرجنسی نافذ،مغربی سرحدیں بند

ہر ضلع میں قرنطینہ سینٹر اور داخلی 11انٹری پوائنٹس کو بہتر کرنے کا فیصلہ ،ترجمان آزاد کشمیر

ہفتہ 14 مارچ 2020 21:06

آزاد کشمیر(اُردو پوائنٹ اخبارتازہ ترین - آن لائن۔ 14 مارچ2020ء) آزاد کشمیر کی حکومت نے کورونا وائرس کی صورتِ حال کے پیشِ نظر ہیلتھ ایمرجنسی نافذ کرنے کا اعلان کر دیا ہے۔

(جاری ہے)

، تفصیلات کے مطابق ہفتہ کے روز وزیراعظم آزاد کشمیر فاروق حیدر کی زیر صدارت اجلاس ہو ا جس میں عالمی خطرہ قرار دئیے جانیوالے کورونا وائرس کے پھیلائو کی روک تھام کیلئے اہم فیصلے کئے گئے۔ہیلتھ ایمرجنسی آزاد کشمیر میں آج سے شروع ہونے والے امتحانات ملتوی کر دیے گئے ہیں۔ تمام تعلیمی ادارے 5 اپریل تک بند رکھے جائیں گے ۔اجلاس کے بعد ترجمان آزاد کشمیر کا کہنا تھا کہ آزاد کشمیر کے ہرضلع میں قرنطینہ سینٹر اور آزاد کشمیر میں داخلے کے 11 انٹری پوائنٹس پر اسکریننگ کو بہتر کرنے کا فیصلہ بھی کیا گیا ہے۔