میری طبیعت بالکل ٹھیک ہے، شاہ محمود قریشی

پاکستان میں کورونا وائرس کو لوگ سنجیدہ نہیں لے رہے جو خطرے سے خا لی نہیں ،چین کورونا وائرس سے اس لیے لڑ سکا ہے کیونکہ اس کے عوام نے اس بیماری کے خلاف حکومت کا ساتھ دیا،نجی ٹی وی سے گفتگو

جمعہ 20 مارچ 2020 19:24

میری طبیعت بالکل ٹھیک ہے، شاہ محمود قریشی

اسلام آباد(اُردو پوائنٹ اخبارتازہ ترین - آن لائن۔ 20 مارچ2020ء) وزیرِ خارجہ شاہ محمود قریشینے کہا ہے کہ میری طبیعت بالکل ٹھیک ہے، کورونا وائرس عالمی وبا ہے، جس سے دنیا کے 173 ممالک متاثر ہوئے ہیں۔ ایک نجی ٹی وی سے گفتگو کرتے ہوئے انہوں نے کہا کہ پاکستان میں کورونا وائرس کو لوگ سنجیدہ نہیں لے رہے۔شاہ محمود قریشی کا کہنا ہے کہ پاکستان میں لوگ اپنے بچوں کو پارکس میں گھمانے اور ریسٹورنٹس میں کھانا کھلانے لے کر جا رہے ہیں۔

انہوں نے مزید کہاکہ لوگ اس عالمی وبائکورونا وائرس کے خلاف جب تک اپنی ذمے داری ادا نہیں کریں گے تو اس کا مقابلہ نہیں کر سکتے۔وزیرِ خارجہ شاہ محمود قریشی کا یہ بھی کہنا ہے کہ چین کورونا وائرس سے اس لیے لڑ سکا ہے کیونکہ اس کے عوام نے اس بیماری کے خلاف حکومت کا ساتھ دیا۔

(جاری ہے)

واضح رہے کہ وزیرِ خارجہ شاہ محمود قریشی صدر مملکت ڈاکٹر عارف علوی کے ہمراہ حال ہی میں چین کا دورہ کر کے آئے ہیں جہاں سے ا?نے کے بعد وزیرِ خارجہ نے میڈیا سے گفتگو کرتے ہوئے خود کو آئسولیٹ کرنے اور اپنا کورونا وائرس کا ٹیسٹ کرانے کا کہا تھا۔

ادھر ملک میں کورونا وائرس کے مریضوں کی تعداد 452 تک پہنچ گئی ہے، سندھ میں کورونا وائرس کے 245 مریضوں، پنجاب میں 78، بلوچستان میں 81، خیبر پختون خوا میں 23، گلگت بلتستان میں 12 جبکہ ا?زا د کشمیر میں ایک مریض کی تصدیق ہوئی ہے۔

Facebook Twitter Google + Share on Whatsapp

میری طبیعت بالکل ٹھیک ہے، شاہ محمود قریشی

متعلقہ عنوان :

مزید اہم خبریں