بلوچستان اور زیریں خیبر پختونخواہ میں آج گرج چمک کے ساتھ بارش کا امکان ہے، محکمہ موسمیات

ہفتہ 21 مارچ 2020 19:02

اسلام آباد ۔ (اُردو پوائنٹ اخبارتازہ ترین - اے پی پی۔ 21 مارچ2020ء) محکمہ موسمیات نے کہاہے کہ آج ( اتوار ) بلوچستان اور زیریں خیبر پختونخواہ میں تیز ہواؤں اورگرج چمک کے ساتھ بارش کا امکان ہے۔ ملک کے دیگر علاقوں میں موسم خشک رہے گا۔ہفتہ کویہاں جاری بیان کے مطابق گزشتہ 24 گھنٹوں میں ملک کے بیشتر علاقوں میں موسم خشک رہا۔

(جاری ہے)

تاہم دیر زیریں میں 35 ، دیربالا 25 ، مالم جبہ 24 ، سیدوشریف 14، پاراچنار 12 ، بالاکوٹ، چراٹ11، ، کالام 09، کاکول ،پٹن 06، بنوں میرکھانی، ڈی آئی خان 03 ، چترال 01 ، کو ٹ ادو 15 ، جوہرآباد 14 ، جھنگ ، مری 08 ، چکوال07،سرگودھا ، چکوال 06 ، اسلام آباد (زیروپوائینٹ 05 ، سید پور 04 ، ائیر پورٹ 03 ، گولڑہ 02 ، بوکرہ 01) ، بہاولپور (سٹی 05 ، ائیرپورٹ 04) ، بھکر ، لیہ 04 ، راولپنڈی (شمش آباد 03 ، چکلالہ 01) ، فیصل آباد ، ڈی جی خان 03 ، نورپوتھل ، ملتان 02 ، بارکھان 05 ، گڑی دوپٹہ 14،مظفر آباد(سٹی 12، ائیر پورٹ 02)اورکوٹلی میں 02 ملی میٹر بارش ریکارڈ کی گئی۔

ہفتہ کو سکردومیں صفر ڈگری سینٹی گریڈ درجہ حرارت ریکارڈ کیا گیا۔اسلام آبادمیں آج اتوارکو موسم خشک اورآبرآلودرہنے کا امکان ظاہرکیا گیاہے۔