پنجاب حکومت کا صوبے میں تمام دکانیں رات 8 بجے بند کرنے کا فیصلہ
6 اپریل تک صوبے بھر کے شاپنگ مالز، بازار، دکانیں، پارکس، ریسٹورینٹس اور ایسی عوامی اجتماعات والی تمام جگہیں بند رہیں گے
جمعہ 27 مارچ 2020 19:33
(جاری ہے)
تفصیلات کے مطابق وزیراعلیٰ پنجاب سردار عثمان بزدار کی زیر صدارت کابینہ کمیٹی برائے انسداد کوروناکے اجلاس میں پنجاب بھر میں گروسری سٹورز،جنرل سٹورز اور کریانہ کی دوکانیں رات 8بجے بند کرنے کا فیصلہ کیا گیا ہے-وزیراعلیٰ عثمان بزدار نے کہاکہ گروسری سٹورز، جنرل سٹورز اور کریانہ دوکانیں صبح 8بجے سے رات 8بجے تک کھلی رہیں گی او راس فیصلے پر کل سے عملدرآمد ہوگا -کسی کو خلاف ورزی کی اجازت نہیں دی جائے گی-وزیراعلیٰ نے کہاکہ وزیراعظم عمران خان کی ہدایت پر گڈزٹرانسپورٹ کو نقل و حمل کی اجازت دینے کا فیصلہ کیا ہے جبکہ مسافر بردار گاڑیوں پر پابندی برقرار رہے گی- وزیراعلیٰ نے لاہور سمیت پنجاب بھر میں ہاٹ سپاٹ کی چیکنگ کا نظام سخت کرنے کی ہدایت کرتے ہوئے کہاکہ کورونا وائرس کے حوالے سے انتہائی حساس علاقوں کی نشاندہی کر کے ایس او پیز پر عملدرآمد کیا جائی-کورونا کیس والے علاقوں میں نقل وحرکت کو محدود کیاجائی-انہوں نے کہاکہ آٹے سمیت اشیاء ضروریہ کی دستیابی یقینی بنائی جائے اورغریب افراد کے لئے راشن کا بندوبست کرنے کے حوالے سے انتظامات کو جلد حتمی شکل دی جائی-وزیراعلیٰ نے کہاکہ انتہائی غریب افراد کے لئے معاشی پیکیج تیار کررہے ہیں-وزیرخزانہ کی سربراہی میں قائم کمیٹی کل اس ضمن میں بریفنگ دے گی-انہوںنے کہاکہ صوبے میں کورونا وائر س کے ٹیسٹ کے لئے کٹس کی دستیابی ہر صورت یقینی بنائی جائی-ڈاکٹروں،نرسوں اور پیرا میڈیکل سٹاف کے لئے پرسنل پروٹیکشن ایکوپمنٹ کی فراہمی یقینی بنائی جائی-وزیراعلیٰ نے ہدایت کی کہ زائرین کی اپنے گھروں میں روانگی کے بعد ڈیرہ غازی خان کے قرنطینہ مراکزکو جراثیم کش سپرے سے صاف کیاجائی-وزیراعلیٰ عثمان بزدار نے کہاکہ پنجاب حکومت کوروناوائرس کی روک تھام کی مہم میں جانفشانی سے فرائض سرانجام دینے پر کمشنرز ،آرپی اوز ،ڈپٹی کمشنرز ، ڈی پی اوز، اسسٹنٹ کمشنرزاورپولیس کی خدمات کو قدر کی نگاہ سے دیکھتی ہی-پاکستان آرمی او ررینجرز کے کردار کو بھی سراہتے ہیں- ڈاکٹروں،نرسوں او رپیرا میڈیکل سٹاف کی خدمات بھی قابل تحسین ہیں-وزیراعلیٰ پنجاب سردار عثمان بزدار کی زیرصدارت کورونا وائرس کی روک تھام کیلئے قائم کابینہ کمیٹی کا ویڈیولنک اجلاس آج منعقد ہوا-ویڈیو لنک اجلاس میں کورونا وائرس سے پیدا ہونے والی صورتحال،مرض کی روک تھام کیلئے کئے جانے والے اقدامات اور مریضوں کے علاج معالجے کی سہولتوں کا تفصیلی جائزہ لیا گیا-اجلاس میں فوڈ سپلائی چین کے حوالے سے امورپر بھی غور کیا گیا-صوبائی وزراء راجہ بشارت، میاں اسلم اقبال،ڈاکٹر یاسمین راشد، ہاشم جواں بخت، چیف سیکرٹری، انسپکٹر جنرل پولیس،کمشنر لاہور ڈویژن اور متعلقہ حکام نے وزیراعلیٰ آفس سے اجلاس میں شرکت کی- ایم پی اے مسرت جمشید چیمہ، سینئر ممبر بورڈ آف ریونیواوراعلیٰ افسران ویڈیولنک کے ذریعے ایس اینڈ جی اے ڈی کمیٹی روم سول سیکرٹریٹ سے اجلاس میں شریک ہوئی-سیکرٹری منصوبہ بندی و ترقیات، سیکرٹری محنت ،سیکرٹری فوڈ اور سیکرٹری زراعت نے محکمہ منصوبہ بندی و ترقیات سے ویڈیو لنک کے ذریعے اجلاس میں شرکت کی جبکہ کمشنر ڈیرہ غازی خان ، کمشنرملتان اورکمشنر فیصل آباد ڈویژن ویڈیولنک کے ذریعے اجلاس میں شریک ہوئے
مزید اہم خبریں
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
مفت دوائیں گھرپہنچانے کا منصوبہ،دیہاتوں کے مریض سہولت سے فائد ہ نہیں اٹھاسکیں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.