جی 20نے عالمی معیشت میں 5ٹریلین ڈالر سے زائد امداددینے کا وعدہ کردیا
رقم کورونا وائرس سے ملازمت اور آمدنی کے نقصان کو محدود کرنے میںمدد دے گی ، وبائی بیماری پر قابو پانے کیلئے بھی اقدامات کئے جائینگے ، رہنمائوں کا ویڈیو کانفرنس میں خطاب
جمعہ 27 مارچ 2020 23:10
(جاری ہے)
لیکن اس میں برآمدی پابندی کو ختم کرنے پر زور نہیں دیا گیا جو کئی ممالک نے طبی اشیا کی فراہمی پر عائد کی ہیں۔
جی 20 رہنماں کا کہنا تھا کہ غیر ضروری مداخلت سے بچنے کے لیے ان کے ردعمل کو مربوط کیا جانا چاہیے۔انہوں نے کہا کہ صحت کی حفاظت کے لیے ہنگامی اقدامات ہدف کے مطابق مناسب، شفاف اور عارضی ہوں گے۔جی 20 رہنماں نے کمزور ممالک، خاص طور پر افریقہ، اور مہاجرین جیسی آبادی کے خطرات کے بارے میں بھی تشویش کا اظہار کیا۔انہوں نے عالمی مالیاتی حفاظت کے نیٹ ورک اور قومی صحت کے نظام کو تقویت دینے کی ضرورت کو تسلیم کیا۔جی 20 رہنماں نے اپنے بیان میں کہا کہ ہم اس مشترکہ خطرے کے خلاف متحدہ محاذ پیش کرنے کے لیے پرعزم ہیں۔موجودہ جی 20 کی صدارت کرنے والے سعودی عرب نے اس گروپ کی جانب سے وائرس کے حوالے سے سست ردعمل پر تنقید کے بعد ویڈیو کے ذریعے سربراہی اجلاس طلب کیا تھا۔کورونا وائرس سے دنیا بھر میں 5 لاکھ سے زائد افراد متاثر ہوئے ہیں اور تقریبا 24 ہزار ہلاک ہوچکے ہیں اور توقع کی جارہی ہے کہ اس سے عالمی معاشی بحران کا آغاز ہوگا۔سعودی فرمانروا شاہ سلمان نے اجلاس کے آغاز پر اظہار خیال کرتے ہوئے کہا کہ جی 20 ممالک کو عالمی معیشت پر اعتماد کو بحال کرنے میں مدد کے لیے ضروری طبی سامان کی فراہمی سمیت سامان اور خدمات کے معمول کے بہا کو جلد از جلد دوبارہ شروع کرنا چاہیے۔اس گروپ نے کہا کہ وہ اس وبائی مرض سے معاشی نقصان کا خاتمہ کرنے کے لیے ہدف بنائے جانے والی مالی پالیسی، معاشی اقدامات اور ضمانتی اسکیموں کے تحت عالمی معیشت میں 5 کھرب ڈالر سے زائد دے رہی ہیں۔یہ رقم اتنی ہی ہے جتنی جی 20 ممالک نے 2009 میں عالمی معیشت کو فروغ دینے کے لیے فراہم کی تھی تاہم امریکی امدادی بل مالی اخراجات میں 20 کھرب ڈالر کا وعدہ کررہا ہے، جو اس بحران سے دوگنا زیادہ ہے۔امریکی صدر ڈونلڈ ٹرمپ نے اجلاس کے بعد کہا کہ ویڈیو کانفرنس نے اس پر قابو پانے کے لیے زبردست جذبے کا مظاہرہ کیا گیا۔انہوں نے کورونا وائرس سے متعلق وائٹ ہاس کی ایک نیوز بریفنگ میں بتایا کہ جی 20 ممالک ایک دوسرے کو بحران سے نمٹنے کے لیے اپنی کوششوں کے بارے میں آگاہ کر رہے ہیں۔ٹرمپ نے کہا کہ ہم اسے کچھ مختلف طریقوں سے سنبھال رہے ہیں تاہم یہاں بڑی یکسانیت ہے۔وائٹ ہاس نے کہا کہ ٹرمپ اور فرانسیسی صدر ایمانوئل میکرون نے جی 20 اور دیگر گروپس کے ذریعے تعاون کی اہمیت پر بین الاقوامی تنظیموں کو وبائی بیماری کا جلد خاتمہ کرنے اور اس کے معاشی اثرات کو کم سے کم کرنے میں مدد کرنے کے لیے اتفاق کیا ہے۔اس اجلاس کے ایک مبصر نے بتایا کہ اس میں سعودی عرب اور روس کے درمیان تیل کی قیمتوں میں جنگ کے باوجود تھوڑی بہت دلچسپی ہے۔ویڈیو کانفرنس کے بارے میں معلومات رکھنے والے ایک برازیل کے سرکاری عہدیدار نے کہا کہ ہر ایک کو یہ احساس ہے کہ ملازمتوں کو محفوظ رکھنا اور تجارت کی روانی برقرار رکھنا ضروری ہے۔عہدیدار نے مزید کہا کہ کسی بھی ملک نے مکمل پابندیوں کی حمایت نہیں کی اور اس کی بنیادی وجہ یہ ہے کہ جی 20 کے بیشتر ممالک اس طرح کے اقدامات پر عمل درآمد نہیں کر رہے ہیں۔امریکی ٹریژری اور انٹرنیشنل مانیٹری فنڈ کے سابق عہدیدار مارک سوبل نے کہا کہ اگرچہ اس گروپ نے مشترکہ کارروائی کا وعدہ کیا لیکن رہنماں کے بیان میں 2009 جیسی کوششوں کی فوری ضرورت نہیں ہے۔جی 20 رہنماں نے بین الاقوامی مالیاتی فنڈ اور ورلڈ بینک گروپ سے بھی کہا کہ تمام وسائل کو برائے کار لاتے ہوئے ضرورت مند ممالک کی مدد کریں۔صحت کے ردعمل پر جی 20 رہنماں نے عالمی ادارہ صحت (ڈبلیو ایچ او) کے جوابی منصوبے میں مالی اعانت کو ختم کرنے اور اس کے مینڈیٹ کو مستحکم کرنے کے ساتھ ساتھ طبی سامان کی تیاری کی صلاحیت کو بڑھانے، متعدی بیماریوں کا جواب دینے کی صلاحیتوں کو تقویت دینے اور طبی اعداد و شمار کا اشتراک کرنے کا عہد کیا۔عالمی ادارہ صحت کے ڈائریکٹر جنرل ٹیدروس ادھانوم نے جی 20 سے خطاب کرتے ہوئے کہا کہ عالمی قلت کے باوجود صحت کے کارکنوں کے لیے ذاتی تحفظ کے سامان کی مالی اعانت فراہم کرنے اور ان کی تیاری کے لیے مدد حاصل کریں۔مزید قومی خبریں
-
کراچی، دوست کے ہاتھوں دوست کے قتل کی سی سی ٹی وی سامنے آگئی
-
گورنرسندھ کامران خان ٹیسوری سے ایران کے قونصل جنرل کی ملاقات
-
گورنرسندھ کامران خان ٹیسوری کی تبدیلی کے امکانات کم ہوگئے
-
21اپریل کا ضمنی الیکشن 8،فروری کے الیکشن کا ہی ری پلے تھا،رائے حسن نواز
-
پنجاب میں پراونشنل انفورسمنٹ اتھارٹی کاقیام، وزیر اعلیٰ مریم نواز شریف نے منظوری دے دی
-
ڈیرہ غازی خان پولیس کی کارروائی،منشیات فروش کو گرفتار کر کے 4 کلو گرام چرس برآمد کر لی
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں
-
سرمایہ کاروں کا اعتماد بحال کرنا حکومت کی اولین ترجیح ہے،وفاقی وزیررانا تنویر حسین
-
مارچ میں چین کی پاکستان میں 153.9ملین ڈالر کی براہ راست سرمایہ کاری
-
صوبائی وزیرصحت خواجہ سلمان رفیق کی زیرصدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
لیسکو کی بجلی چوروں کا خلاف کارروائیاں ، 8 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.