وزیراعظم نے تحریک انصاف کی کور کمیٹی کا اجلاس کل طلب کرلیا

ہفتہ 28 مارچ 2020 20:27

اسلام آباد(اُردو پوائنٹ اخبارتازہ ترین - آن لائن۔ 28 مارچ2020ء) وزیراعظم عمران خان نے کل اتوار کو پی ٹی آئی کور کمیٹی کا اجلاس طلب کرلیا ہے۔ اجلاس میں وزیراعظم کرونا سے نمٹنے کیلئے لانگ ٹرم پالیسی پر مشاورت کریں گے۔وفاقی دارالحکومت اسلام آباد میں پی ٹی آئی کور کمیٹی کا اجلاس طلب کرلیا گیا ہے۔ کور کمیٹی اجلاس اتوار کی سہ پہر 3 بجے بنی گالہ میں ہوگا۔

(جاری ہے)

وزرائے اعلیٰ پنجاب و خیبرپختونخواہ بھی اجلاس میں شریک ہوں گے۔ جبکہ سندھ، پنجاب اور کے پی کے گورنرز بھی اجلاس میں شرکت کریں گے۔اجلاس میں وزیراعظم کرونا سے نمٹنے کیلئے لانگ ٹرم پالیسی پر مشاورت کریں گے۔ کور کمیٹی کرونا وائرس کی روک تھام سے متعلق تجاویز دے گی۔اجلاس میں لاک ڈاؤن، معیشت، ملکی ضروریات اور سیاسی جماعتوں کے تعاون پر بات ہوگی۔ جبکہ کرونا سے نمٹنے کیلئے ملکی صلاحیت اور غیر ملکی تعاون پر بھی غور کیا جائے گا ۔

Facebook Twitter Google + Share on Whatsapp

وزیراعظم نے تحریک انصاف کی کور کمیٹی کا اجلاس کل طلب کرلیا

متعلقہ عنوان :

مزید اہم خبریں