ہیری اور میگھن مارکل ڈزنی کی ڈاکیومنٹری’’ایلیفینٹس‘‘ کا حصہ بن گئے

پیر 30 مارچ 2020 15:14

لاس اینجلس (اُردو پوائنٹ اخبارتازہ ترین - اے پی پی۔ 30 مارچ2020ء) بر طانوی شہزادہ ہیری اور ان کی اہلیہ اداکارہ میگھن مارکل ڈزنی کی ڈاکیومنٹری’’ایلیفینٹس‘‘ کا حصہ بن گئے ۔ اداکارہ میگھن مارکل اس ڈاکیومنٹری کے ساتھ شوبز میں واپسی کرنے جارہی ہیں۔

(جاری ہے)

تفصیلات کے مطابق میگھن مارکل اس ڈاکیومنٹری میں کوئی کردار ادا نہیں کریں گی بلکہ جانوروں پر مبنی اس ڈاکیومنٹری کو صرف اپنی آواز دیں گی۔

ڈزنی سٹوڈیو نے حال ہی میں اعلان کیا تھاکہ برطانوی شہزادہ ہیری کی اہلیہ نے رواں سال 3 اپریل کو ریلیز ہونے والی اس فلم میں اپنی آواز کی ڈبنگ کروائیں گے، یہ فلم ڈزنی کی سٹریمنگ سروس پر ریلیز ہوگی۔ واضح رہے کہ برطانوی شہزادہ ہیری اور ان کی اہلیہ میگھن مارکل نے رواں سال 9 جنوری کو شاہی حیثیت سے دستبرداری کا اعلان کیا تھا۔