اسلام آباد میں کورونا وائرس کے تیزی سے بڑھتے کیسز کے پیش نظر لاک ڈاؤن میں مزید سختی کر دی گئی

شہر میں میں چیک پوسٹوں پر چیکنگ کا عمل تیز، گاڑی میں میں دو سے زائد افراد کے سفر کرنے اورغیر ضروری گھروں سے نکلنے پر پابندی عائد

پیر 30 مارچ 2020 18:39

اسلام آباد میں کورونا وائرس کے تیزی سے بڑھتے کیسز کے پیش نظر لاک ڈاؤن ..

اسلام آباد (اُردو پوائنٹ اخبارتازہ ترین - این این آئی۔ 30 مارچ2020ء) اسلام آباد میں کورونا وائرس کے تیزی سے بڑھتے کیسز کے پیش نظر لاک ڈائون میں مزید سختی کر دی گئی،شہر میں میں چیک پوسٹوں پر چیکنگ کا عمل تیز کرتے ہوئے گاڑی میں میں دو سے زائد افراد کے سفر کرنے اورغیر ضروری گھروں سے نکلنے پر پابندی عائد کر دی گئی ۔

(جاری ہے)

وفاقی دارالحکومت اسلام آباد میں ساتویں روز بھی جزوی لاک ڈائون رہا، شہر بھر کی مارکیٹس ، شاپنگ مالز، بڑی اور چھوٹی دکانیں بند رہیں، غیر ضروری گھروں سے نکلنے پر پابندی رہی ،جزوی لاک ڈائون کے باعث اسلام آباد کی آبپارہ مارکیٹ کو مکمل طور پر بند کیا گیا ،صرف دودھ دہی ، کھانے پینے کی دکانیں اور میڈیکل سٹورز کھلے رکھے گئے ہیں، شہر بھر میں چیک پوسٹوں پر چیکنگ کا عمل سخت کر دیا گیا۔

اسلام آباد میں کوروان وائرس سے متاثرہ علاقے بارہ کہو، رمشا کالونی اور شہزاد ٹائون کو مکمل سیل کر دیا گیا،جزوی لاک ڈائون پر عملدرآمد کے لئے پاکستان آرمی، رینجرز، پولیس اور ٹریفک پولیس اہلکار خدمات سرانجام دیتے رہے ۔