صدر مملکت ڈاکٹر عارف علوی کا جنگ گروپ کے چیئرمین اور پبلشر میر جاوید الرحمان کے انتقال پر اظہار تعزیت

منگل 31 مارچ 2020 13:57

اسلام آباد (اُردو پوائنٹ اخبارتازہ ترین - اے پی پی۔ 31 مارچ2020ء) صدر مملکت ڈاکٹر عارف علوی نے جنگ گروپ کے چیئرمین اور پبلشر میر جاوید الرحمان کے انتقال پر دکھ اور افسوس کا اظہار کیا ہے۔

(جاری ہے)

منگل کو اپنے تعزیتی پیغام میں صدرمملکت نے مرحوم کی بلندی درجات کے لیے دعاکی ہے اور ان کے اہل خانہ سے ہمدردی کا اظہارکیا ہے۔صدر مملکت نے کہا ہے کہ صحافت کے شعبے میں میر جاوید الرحمان مرحوم کی خدمات نا قابل فراموش ہیں، انہوں نے ملک میں صحافت کے فروغ کے لیے انتہائی اہم کردار ادا کیا اور ان کی خدمات کو ہمیشہ یاد رکھا جائے گا۔