ایران میں پھنسے زائرین کو واپس لانے کے حوالے سے درخواست سماعت کیلئے مقرر

اسلام آباد ہائی کورٹ کے چیف جسٹس اطہر من اللہ درخواست پر (کل) سماعت کریں گے

منگل 31 مارچ 2020 19:07

ایران میں پھنسے زائرین کو واپس لانے کے حوالے سے درخواست سماعت کیلئے ..

اسلام آباد (اُردو پوائنٹ اخبارتازہ ترین - این این آئی۔ 31 مارچ2020ء) اسلام آباد ہائی کورٹ نے ایران میں پھنسے زائرین کو واپس لانے کے حوالے سے درخواست سماعت کیلئے مقرر کر دی ،اسلام آباد ہائی کورٹ کے چیف جسٹس اطہر من اللہ درخواست پر (کل) بدھ کو سماعت کریں گے۔اسلام آباد ہائی کورٹ کے رجسٹرارآفس نے کاز لسٹ جاری کردی،عدالت عالیہ میں مجلس وحدت المسلمین کی جانب سے درخواست دائرکی گئی ،وزارت داخلہ،وزارت خارجہ،وزارت دفاع اور چیئرمین پیمرا درخواست میں فریق بنایاگیا ۔

درخواست میں کہاگیاکہ ایران میں پھنسے ہزاروں زائرین کے ویزا کی مدت ختم ہو چکی یا ہو رہی ہے،حکومت کی آئینی ذمہ داری ہیکہ زائرین کی بحفاظت وطن واپسی کے لیے اقدامات کریں۔ درخواست میں کہاگیاکہ زائرین کو ایران جانے کے ویزے جاری کیے گئے لیکن اب حکومت واپسی کی اجازت نہیں دے رہی۔

(جاری ہے)

درخواست میں استدعا کی گئی کہ حکومت کو زمینی راستے یا خصوصی فلائٹس کے ذریعے زائرین کو واپس لانے کی ہدایت کی جائے،حکومت کو زائرین کو فوری واپس لانے کے اقدامات اٹھانے کا حکم دیا جائے،ایران سے لائے گئے زائرین کے میڈیکل ٹیسٹ کر کے وائرس میں مبتلا مریضوں کے علاج کا حکم دیا جائے۔ استدعا کی گئی کہ تفتان میں رکھے گئے زائرین کو تمام سہولیات کی فراہمی کا حکم دیا جائے۔