آٹے کی قلت سے عوام کو شدید مشکلات کا سامنا ہے ، ملک محمد وزیر اعوان

منگل 31 مارچ 2020 23:46

حافظ آباد(اُردو پوائنٹ اخبارتازہ ترین - آن لائن۔ 31 مارچ2020ء) پیپلز پارٹی کے ضلعی صدر اور سابق ایم۔پی۔اے ملک محمد وزیر اعوان نے کہا ہے کہ آٹا کی قلت کی وجہ سے غریب عوام کو شدید مشکلات کا سامنا کرنا پڑ رہاہے۔ آٹے کی وافر ترسیل نہ ہونے کے باعث وہ مخیر حضرات بھی مسائل کا سامنا کررہے ہیں جو موجودہ لاک ڈائون کے دوران آٹا خریدکرغریب غرباء میں تقسیم کرنا چاہتے ہیں۔

(جاری ہے)

انہوں نے مزید کہا کہ انتظامیہ کی جانب سے شہر میں ایک دومقامات پر آٹے کے ٹرک کھڑے کرکے آٹا کی قلت نہ ہونے کا تاثر دیا جارہا ہے۔لیکن یوٹیلٹی سٹور زاب بھی آٹا سے بدستور محروم چلے آرہے ہیں۔ حکومت اور ضلعی انتظامیہ کو ایسے انتظامات کرنے چاہئیں جس سے آٹا یوٹیلٹی سٹور ز سمیت تمام دکانوں پر بھی دستیاب ہو۔ اور ہر غریب امیر جہاں سے چاہئے آٹا حاصل کرسکے۔