کورونا اٹلی میں مزید 837 زندگیاں نگل گیا،ہلاکتیں 12400ہوگئیں

بیلجیم میں 192 اور نیدر لینڈز میں 175 افراد ایک ہی روز میں موت کا شکار بن گئے،رپورٹ

بدھ 1 اپریل 2020 15:11

کورونا اٹلی میں مزید 837 زندگیاں نگل گیا،ہلاکتیں 12400ہوگئیں

روم(اُردو پوائنٹ اخبارتازہ ترین - این این آئی۔ 01 اپریل2020ء) کورونا وائرس اٹلی میں مزید837 زندگیاں نگل گیا، جان سے جانے والوں کی تعداد 12 ہزار 400 سے اوپر چلی گئی۔

(جاری ہے)

غیرملکی خبر ایجنسی کے مطابق اسپین میں بھی 553 افراد جان سے گئے جہاں اموات کی تعداد 6 ہزار 400 سے اوپر چلی گئی، مزید ساڑھے چھ ہزار مریض سامنے آگئے، برطانیہ میں کورونا وائرس نے ایک ہی روز میں 381 شہریوں کو زندگی سے محروم کردیا، مریضوں کی تعداد 25 ہزار تک پہنچ گئی۔ادھر بیلجیم میں 192 اور نیدر لینڈز میں 175 افراد ایک ہی روز میں موت کا شکار بن گئے۔وائرس نے دنیا بھر میں 8 لاکھ 37 ہزار افراد کو جکڑ لیا، 41 ہزار اموات سامنے ا?چکیں تاہم ایک لاکھ 76 ہزار سے زائد صحت یاب ہوئے ہیں۔