کراچی، مفت راشن کے لیے فارم فروخت کرنے والے 4 جعل ساز گرفتار

جمعرات 2 اپریل 2020 18:00

کراچی، مفت راشن کے لیے فارم فروخت کرنے والے 4 جعل ساز گرفتار
کراچی(اُردو پوائنٹ اخبارتازہ ترین - این این آئی۔ 02 اپریل2020ء) شہر قائد کے علاقے سرجانی کی پولیس نے کارروائی کرکے مفت راشن کے لیے فارم فروخت کرنے والے 4 جعل سازوں کو گرفتار کر لیاہے۔پولیس کے مطابق سرجانی پولیس نے 4 جعل سازوں کو گرفتار کر لیا ہے جو سرجانی میں غریب مکینوں سے مفت راشن کا جھانسا دے کر پیسے بٹور رہے تھے۔

(جاری ہے)

ملزمان فرضی ویلفیئر ٹرسٹ کا فارم غریب افراد کو 50 روپے میں فروخت کر رہے تھے، پولیس نے ملزمان سے جعلی فارمز اور دھوکا دہی کا شکار ہونے والے 400 افراد کی فہرست بھی برآمد کر لی ہے۔

اس ضمن میںایس ایس پی ویسٹ نے بتایاکہ ملزمان راہ نیکی ویلفیئر ٹرسٹ کے نام سے غریب گھرانوں سے 50 روپے سے زیادہ رقم پر جعلی راشن فارم فروخت کر کے فراڈ کر رہے تھے۔پولیس کے مطابق گرفتار ملزمان میں علی نواز ولد منشی خان، حسن علی ولد علی محمد، حمزہ نواز ولد علی نواز، عبدالجبار ولد قربان علی شامل ہیں۔ ملزمان کے خلاف ایف آئی آر درج کر دی گئی ہے، اور مزید تفتیش کی جا رہی ہے۔

متعلقہ عنوان :