کیا وزیراعظم عمران خان اپنے دوستوں کیخلاف کارروائی کریں گی ‘مریم اور نگزیب

عمران خان، جہانگیر ترین اور خسرو بختاربحران کے ’منافع خوراور اصل مجرم‘ ہیں، ترجمان( ن)لیگ

اتوار 5 اپریل 2020 12:15

اسلام آباد(اُردو پوائنٹ اخبارتازہ ترین - این این آئی۔ 05 اپریل2020ء) مسلم لیگ (ن) اور پاکستان پیپلز پارٹی نے آٹے اور چینی کے بحران سے متعلق وفاقی تحقیقاتی ادارے کی رپورٹ منظر عام پرآنے کے بعد سوال اٹھایا ہے کہ کیا وزیراعظم عمران خان بحران میں شریک اپنے ’دوستوں‘ کے خلاف کارروائی کریں گے۔

(جاری ہے)

ایک بیان میں مسلم لیگ (ن) کی ترجمان مریم اورنگزیب نے کہا کہ عمران خان اور ان کے ساتھیوں نے قوم کی گندم اور چینی چوری کی ، اس دوران وہ دوسروں پر گندم اور چینی کے بحران کا الزام لگا رہے تھے۔انہوں نے کہا کہ عمران خان، جہانگیر ترین اور خسرو بختاربحران کے ’منافع خوراور اصل مجرم‘ ہیں۔