مصر کارمضان المبارک میں بھی مساجد بند رکھنے کا اعلان
رمضان دستر خوان لگانے پر بھی پابندی عائد کی جا سکتی ہے. مصری وزیراوقاف
میاں محمد ندیم اتوار 5 اپریل 2020 13:50
(جاری ہے)
مصری وزیر اوقاف نے کہا کہ اس سال رمضان المبارک کے دوران رمضان دستر خوان لگانے پر بھی پابندی عائد کی جا سکتی ہے تاکہ لوگ زیادہ جمع نہ ہوں اسی طرح شہریوں کو کورونا کی بیماری سے بچانے کے لیے مساجد کو بھی بند رکھا جاسکتا ہے. انہوں نے کہا کہ رمضان المبار کے دوران روزہ افطار کرانے والے مخیر حضرات اور فلاحی ادارے مستحق افراد میں نقد رقوم تقسیم کریں ادھر مصر کی سب سے بڑی اور پرانی دینی درس گاہ جامعہ الازہر نے وباءکے دنوں میں اجتماعی عبادت اور دعا سے سختی سے منع کیا ہے. جامعہ الازہرکی طرف سے جاری ایک بیان میں کہا گیا ہے کہ وباءکے دنوں میں مجالس کا انعقاد کسی خطرےسے کم نہیں ہمیں کوئی بھی کام ڈاکٹروں کے مشورے اور محکمہ صحت کی فراہم کردہ ہدایات کے مطابق کرنا چاہیے. خیال رہے کہ جمعہ کے روز مصر میں مزید 120 کرونا مریضوں کی تصدیق کی گئی تھی جس کے بعد ملک میں کرونا کے کل مریضوں کی تعداد 895 ہوگئی ہے جب کہ جمعہ کو مصر میں کرونا کے 8 مریض ہلاک ہوئے جس کے بعد ہلاکتوں کی تعداد 66 ہوگئی ہے. واضح رہے کہ 25مارچ کو جامعہ الازہر مصر کے علماءکی سپریم کونسل نے کورونا وائرس کے حوالے سے فتوٰی جاری کرتے ہوئے تمام مسلمانوں سے کہا تھا کہ انسانی زندگیوں کے تحفظ کے لیے باجماعت اور نماز جمعہ کی پابندی کی حکومتی ہدایت پرعمل کریں جبکہ پاکستان کے علماءجامعہ الازہرکے فتوی سے جزوی اختلاف کرتے ہوئے قراردیا تھا کہ50 سال سے زائد عمر کے بزرگوں اور بیمار افراد مساجد میں نہ جا ئیں جس پر صدرپاکستان عارف علوی نے اسلام آباد میں متعین مصر کے سفیر کے توسط سے شیخ الازہر سے اس معاملے پر دینی تعلیمات کی روشنی میں رہنمائی کی درخواست کی تھی. جامعہ الازہر کے فتوے کے مطابق کورونا وائرس تیزی سے پھیلتا ہے اسلامی شریعت کے عظیم مقاصد میں ایک زندگی کو بچانا اور تمام خطرات ونقصانات سے محفوظ رکھنا ہے. مفتی اعظم پاکستان مفتی تقی عثمانی کا کہنا تھا کہ ملک میں کرونا وائرس کا مسلہ شدت اختیارکرگیا ہے، اس وائرس نے پوری دنیا میں تباہی مچا دی ہے، اگر حفاظتی طور پر محتاط نہ رہا جائے تو زیادہ لوگ متاثر ہوتے ہیں. مفتی اعظم تقی عثمانی نے کہا تھاکہ مساجد میں نماز سے متعلق عوام میں ایک غلط فہمی پیدا ہو گئی ہے ہم نے تمام مکاتب فکرکے علماءکی مشاورت سے لائحہ عمل تیار کیا ہے اور ملک کے جید علماءنے اس سے اتفاق کیا جس کے بعد کورونا سے متعلق علمائے کرام نے متفقہ اعلامیہ جاری کیا ہے، جس میں کہا گیا ہے کہ مساجد میں نابالغ بچے، 50 سال سے زائد االعمر اور بیمار افراد نہ آئیں. اعلامیے میں بتایا گیاتھا کہ مساجد میں باجماعت نماز جاری رہے گی جن لوگوں کو ڈاکٹرز نے منع کیا ہے وہ گھروں میں نماز ادا کریں جماعت گھر کی خواتین کے ساتھ بھی ہو سکتی ہے اور جو حضرات مسجد میں نماز ادا کرنا چاہتے ہیں وہ اپنے گھر میں وضو کریں اور سنتیں بھی گھر میں ادا کرکے آئیں، مساجد کے دروازوں پر سینیٹائزر لگائے جائیں اور مساجد کے اندر صفائی کا خاص اہتمام کیا جائے.
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.