چین میں پہلی بار کورونا وائرس سے کوئی ہلاکت رپورٹ نہیں ہوئی، 32 نئے متاثرین کی تشخیص

منگل 7 اپریل 2020 13:11

بیجنگ (اُردو پوائنٹ اخبارتازہ ترین - این این آئی۔ 07 اپریل2020ء) کورونا وائرس کی وبا پھیلنے اور جنوری میں پہلی موت کی خبر دینے کے بعد منگل سات اپریل کو پہلا موقع تھا جب چین میں وائرس کی وجہ سے ایک بھی ہلاکت نہیں ہوئی۔

(جاری ہے)

غیرملکی خبررساں ادارے کے مطابق چین کے قومی صحت کمیشن نے بتایاکہ ملک میں صرف 32 نئے متاثرین سامنے آئے، جو کہ گزشتہ روز کے مقابلے میں سات کم تھے۔

چین کی جانب سے کورونا وائرس کے کم ہوتے ہوئے اعداد و شمار پر کئی نے شکوک کا اظہار کیا ہے اور کہا کہ چین تعداد کم بتا رہا ہے۔سرکاری اعداد و شمار کے مطابق چین میں 81740 افراد مصدقہ طور پر کووڈ 19 کے مریض ہیں جبکہ کل 3331 افراد کی اس کے باعث ہلاکت ہوئی ہے۔گزشتہ روز سامنے آنے والے تمام 32 متاثرین وہ تھے جو بیرون ملک سے چین آئے تھے۔