آئندہ چند روز میں کورونا مریضوں میں اضافہ ہو سکتا ہے، سیمی جمالی

بدھ 8 اپریل 2020 13:53

کراچی (اُردو پوائنٹ اخبارتازہ ترین - این این آئی۔ 08 اپریل2020ء) جناح پوسٹ گریجویٹ میڈیکل سینٹر (جے پی ایم سی) کراچی کی ایگزیکٹو ڈائریکٹر ڈاکٹر سیمی جمالی نے کہا ہے کہ آئندہ چند دنوں میں کورونا وائرس کے مریضوں میں اضافہ ہو سکتا ہے۔

(جاری ہے)

ایک انٹرویومیں ایگزیکٹو ڈائریکٹر جے پی ایم سی ڈاکٹر سیمی جمالی نے کہا کہ کورونا وائرس کے مریض ہمارے پاس زیادہ تعداد میں نہیں آئے۔انہوں نے کہا کہ کورونا وائرس کے اتنے مریض نہیں کہ ہسپتالوں میں گنجائش سے زیادہ مریض آنے لگیں، البتہ لوگوں میں کورونا سے متعلق خوف پایا جاتا ہے۔ایگزیکٹو ڈائریکٹر جے پی ایم سی سیمی جمالی نے کہا کہ لوگ گھروں سے غیر ضروری طور پر نہ نکلیں، سماجی فاصلہ برقرار رکھیں۔