عالمی کورونا ریلیف فنڈ کیلیے ٹوئٹر کے بانی نے ایک ارب ڈالر عطیہ کردیئے

اس وباء کے خاتمے کے بعد لڑکیوں کی تعلیم و صحت اور عالمی بنیادی آمدن پر توجہ مرکوزہوگی،بیان

بدھ 8 اپریل 2020 14:03

عالمی کورونا ریلیف فنڈ کیلیے ٹوئٹر کے بانی نے ایک ارب ڈالر عطیہ کردیئے

سلیکان ویلی(اُردو پوائنٹ اخبارتازہ ترین - این این آئی۔ 08 اپریل2020ء) مشہورِ زمانہ سوشل میڈیا پلیٹ فارم ٹوئٹر کے شریک بانی جیک ڈورسی نے ٹویٹ کیا ہے کہ انہوں نے عالمی کورونا ریلیف فنڈ کیلیے ایک ارب ڈالر عطیہ کردیئے ۔

(جاری ہے)

میڈیارپورٹس کے مطابق گزشتہ روز اپنی ایک ٹویٹ میں انہوں نے لکھا کہ وہ اپنی قائم کی ہوئی ایک اور کمپنی اسکوائر میں اپنے حصص (ایکویٹی)کے ایک ارب ڈالر عالمی کورونا ریلیف فنڈ میں منتقل کررہے ہیں۔ یہ رقم ان کے مجموعی اثاثوں کا 28 فیصد ہے۔اپنی اسی ٹویٹ میں انہوں نے مزید لکھا کہ جب یہ وبا ختم ہوجائے گی تو اس کے بعد وہ لڑکیوں کی تعلیم و صحت اور یو بی آئی (عالمی بنیادی آمدن)پر اپنی توجہ مرکوز کریں گے۔