اپریل کے وسط میں پک کر تیار ہونے والی مسور کی پھلیاں کاٹنے کی ہدایت

بدھ 8 اپریل 2020 14:07

فیصل آباد (اُردو پوائنٹ اخبارتازہ ترین - اے پی پی۔ 08 اپریل2020ء) محکمہ زراعت نے رواں ماہ اپریل کے وسط میں پک کر تیار ہونے والی مسور کی پھلیاں کاٹنے کی ہدایت کی ہے اور کاشتکاروں و کسانوں سے کہاہے کہ وہ مسور کی فصل پر خاص توجہ مرکوز رکھیں اور جونہی 70سے 80فیصد تک پھلیاں پک کر تیار ہو جائیں تو انہیں کاٹنے میں تاخیر نہ کی جائے۔

(جاری ہے)

محکمہ کے ترجمان نے بتایاکہ جب مسور کی پھلیاں پک جاتی ہیں تو ان کی تاخیر سے کٹائی کے باعث یہ پھلیاں گرنا شروع ہو جاتی ہیں جس سے کاشتکاروں کو مالی نقصان کا سامنا کرناپڑتاہے۔ انہوںنے مزید کہاکہ پھلیوں کی کٹائی صبح سویرے کی جائے نیز اگر کاشتکار درانتی کی بجائے ہاتھ سے کٹائی کریں تو یہ زیادہ بہتر اقدام ہو گا۔

Facebook Twitter Google + Share on Whatsapp

اپریل کے وسط میں پک کر تیار ہونے والی مسور کی پھلیاں کاٹنے کی ہدایت

متعلقہ عنوان :

مزید زراعت کی خبریں