بیرون ملک سے پاکستانیوں کو وطن واپس لانے کیلئے اگلے ہفتے پروازیں آئیں گی

وفاقی وزیر برائے منصوبہ بندی و ترقی اسد عمرکی میڈیا کوبریفنگ

بدھ 8 اپریل 2020 20:10

بیرون ملک سے پاکستانیوں کو وطن واپس لانے کیلئے اگلے ہفتے پروازیں آئیں ..

اسلام آباد ۔ (اُردو پوائنٹ اخبارتازہ ترین - اے پی پی۔ 08 اپریل2020ء) وفاقی وزیر برائے منصوبہ بندی، ترقی و اصلاحات و خصوصی اقدامات اسد عمر نے کہا ہے کہ بیرون ملک سے پاکستانیوں کو وطن واپس لانے کیلئے اگلے ہفتے اسلام آباد کے علاوہ دیگر ایئر پورٹس پر بھی پروازیں آئیں گی۔ ان خیالات کا اظہار انہوں نے بدھ کو میڈیا بریفنگ دیتے ہوئے کیا۔

(جاری ہے)

انہوں نے کہا کہ بیرون ملک کئی پاکستانیوں کی خواہش ہے کہ وہ وطن واپس آئیں،پہلے ہفتہ میں صرف اسلام آباد پروازیں آ رہی تھیں۔

انہوں نے کہا کہ پہلی پرواز جب آئی توکچھ مسائل سامنے آئے، بیرون ملک کئی پاکستانیوں کی نوکریاں ختم ہو گئی ہیں، وہ بھی واپس آنا چاہتے ہیں۔ انہوں نے کہا کہ اگلے ہفتے اسلام آباد کے علاوہ دیگر ایئر پورٹس پر بھی پروازیں آئیں گی۔