ریلوے نے وزیراعظم کی اجازت کے بعد پہلے مرحلے میں اپ اینڈ ڈاون کی20 مسافر ٹرینیں چلانے کا شیڈول ترتیب دیدیا

جمعرات 9 اپریل 2020 12:14

لاہور(اُردو پوائنٹ اخبارتازہ ترین - این این آئی۔ 09 اپریل2020ء) ریلوے حکام نے وزیراعظم کی اجازت کے بعد پہلے مرحلے میں آئندہ ہفتے سے 15اپریل سے اپ اینڈ ڈاون کی20 مسافر ٹرینیںچلانے کا شیڈول ترتیب دیدیا ،ریلوے حکام نے وزارت ریلوے کو وزیر ریلوے شیخ رشید کو ٹرینیں چلانے کی منظوری کے حوالے سے شیڈول بھجوادیا ہے۔پہلے مرحلے میںجن سیکشنوں پرزیادہ رش ہے ان سیکشنوں پر یہ ٹرینیں چلائی جائیگی ان ٹرینوں میں اپ اینڈ ڈاون لاہور اور کراچی کے درمیان آنے جانے والی قراقرم ایکسپریس اور بزنس ایکسپریس ٹرینیں شامل ہیں، راولپنڈی سے براستہ لاہور کراچی کے درمیان چلنے والی تیزگام ایکسپریس، راولپنڈی سے براستہ فیصل آباد کراچی کے درمیان چلنے والی پاکستان ایکسپریس ٹرین،پشاور اور کراچی کے درمیان براستہ لاہور چلنے والی خیبر میل ایکسپریس ٹرین، پشاور اورکوئٹہ کے درمیان براستہ لاہور چلنے والی جعفر ایکسپریس ٹرین،کراچی اور جیک آباد کے درمیان چلنے والی سکھر ایکسپریس ٹرین،لاہور اور کراچی کے درمیان آنے جانے براستہ قصور فرید ایکسپریس ٹرین، راولپنڈی اور ملتان کے درمیان چلنے والی مہر ایکسپریس ٹرین اور پشاور اور کراچی کے درمیان براستہ لاہور چلنے والی عوام ایکسپریس ٹرین شامل ہے ۔

(جاری ہے)

ان تمام ٹرینوں میں اے سی بزنس،اے سی سٹینڈر اور اکانومی کلاس کی سہولت میسر ہوگی۔