لاہور (اُردو پوائنٹ اخبارتازہ ترین - آن لائن۔ 09 اپریل2020ء) گور نر
پنجاب چوہدری محمدسرور نے کہا ہے کہ
وزیراعظم احتساب اور شفافیات پر سمجھوتہ کرنیوالے نہیں ملک وقوم کو
نقصان پہنچانے والوںکیخلاف ایکشن ضرور ہوگا۔کچھ لوگ ہر وقت حکومت کے کاموں میں خامیاں تلاش کرتے رہتے ہیں۔اپوزیشن کی توجہ
کورونا بحران پر نہیں وہ حکومت کو تنقید کا نشانہ بنا کر سیاست کر رہی ہیں ۔
فلاحی تنظیموں پر مشتمل
پنجاب ڈویلپمنٹ نیٹ ورک صوبہ میں3لاکھ سے زائد غر یب خاندانوں کو راشن فراہم کر یگا اور ہماری پالیسی ہے کہ کسی غر یب خاندان کو راشن دیتے وقت اس کے ساتھ تصاویر نہیں بنائی جائیں گی
۔لاہور میں ناکوں پر موجود
پاک افواج ،پولیس اور
رینجرز سمیت دیگر اہلکاروں کو دوپہر کا کھانا کے
ایف سی کی جانب سے دیا جائیگا۔
(جاری ہے)
وہ گور نر ہائوس میں جمعرات کے روز کے ایف سی کے سی ای اوگوریز خان ،ڈی آئی جی آپر یشن رائے بابر سعید اور سکندر حمید لودھی سمیت دیگر سے ملاقات اور میڈیا سے گفتگو کررہے تھے۔
گور نر
پنجاب چوہدری محمدسرور نے کہا کہ قوم دیکھ رہی ہے کہ
کورونا کی اس وباء کے دوران
اپوزیشن ،حکومت اورمخیرحضرات کیا کام کر رہے ہیں۔ اُنہوں نے کہا کہ یہ وقت کسی بھی صور ت سیاست کر نے کا نہیں بلکہ ملک وقوم کی خدمت کر نے کا ہے، مشکل کی اس گھڑی میں قوم ڈاکٹرز اور پیرامیڈکس کی ہمیشہ احسان مند رہے گی اور بزنس کمیونٹی ہمیشہ مشکل وقت میں مدد کے لیے آگے آئی ہے ۔
اُنہوں نے کہا کہ آج سے ہم کے
ایف سی کے تعاون سے
لاہور میں65سے زائد مقامات پر لگائے جانیوالے
پولیس ناکوں پر موجود سیکورٹی اہلکاروں کو کھانے کی فراہمی کا آغاز کر رہے ہیں۔ ایک سوال کے جواب میں گور نر
پنجاب چوہدری محمدسرور نے کہا کہ 19مارچ کو ہم نے
کورونا ٹیلی میڈیسن سنٹرز کی بنیادرکھی ہے اور یہ پروگرام کامیابی کے ساتھ آگے بڑھ رہا ہے اور ابتک صرف
پنجاب میں25سے زائد
کورونا ٹیلی میڈیسن سنٹرز بن چکے ہیں اور ان سے 60 ہزار سے زائد لوگ اب تک مستفید ہو چکے ہیں اوراب ہم ان سنٹرز کو ملک کے دیگر صوبوں میں بھی لیکر جا رہے ہیں ہم نے ایک قوم بن کر
کورونا کا مقابلہ کر نا ہے اور اس وقت ہم سب کی یہ بھی ذمہ داری ہے کہ
کورونا بحران کی وجہ سے بیروزگار ہونیوالے خاندانوں کو راشن کی فراہمی یقینی بنائیں جسکے لیے یقینی طور پر حکومت کے ساتھ ساتھ مخیر حضرات کو بھی آگے آنا ہوگا مگر وہ بزنس مین جو
کورونا کی وجہ سے متاثرنہیں ہوئے وہ غر یب خاندانوں میں راشن کی فراہمی کیلئے آگے بڑھتے نظر نہیں آرہے انکو بھی آگے آنا ہوگا۔
گورنر
پنجاب نے کہا کہ 5 سے 10 فیصد لوگ ایسے ہیں جو حکومتی ہدایات اور پابندیوں کے باوجو د اپنے گھر وںمیں رہنے کی بجائے باہر نکل رہے ہیںعوام کو یہ سمجھنا ہوگا کہ
کورونا کی وباء بہت خطر ناک صورتحال اختیار کر چکی ہے اس کا مقابلہ کر نے کیلئی22کروڑ پاکستانیوں کو اپنی ذمہ داری پوری کر نا ہوگی ورنہ
کورونا کے مزید بڑھنے کا خطرہ موجو د رہیگا۔ انہوں نے کہا کہ
وزیراعظم عمران خان نے پاکستانی قوم سے جو بھی وعدے کیے ہیں ان پر عمل کر رہے ہیں۔ اُنہوں نے کہا کہ کر پشن کے خاتمے اور شفافیات اور میرٹ کو یقینی بنانے کیلئے کسی بھی ایکشن سے حکومت گر یز نہیں کر یں گی۔
