سول ایوی ایشن اتھارٹی نے ملک میں فلائٹ آپریشن 21اپریل تک معطل کردیا

10اپریل سے 21اپریل سے فضائی آپریشن معطل رہے گا، سی اے اے نے پاکستان میں کام کرنے والی تمام فضائی کمپنیوں کو آگاہ کردیا

عثمان خادم کمبوہ جمعرات 9 اپریل 2020 22:32

اسلام آباد ۔ (اُردو پوائنٹ اخبارتازہ ترین۔ 09 اپریل2020ء) سول ایوی ایشن اتھارٹی نے ملک میں فلائٹ آپریشن 21اپریل تک معطل کردیا، پاکستان میں سول ایوی ایشن اتھارٹی نے کورونا وبا کے پھیلنے کے پیشِ نظر ملک میں فلائٹ آپریشن معطل کردیا ہے۔ اس حوالے سے نوٹیفکیشن بھی جاری کردیا گیا ہے۔

(جاری ہے)

سی اے اے نے پاکستان میں کام کرنے والی تمام فضائی کمپنیوں کو آگاہ کیا ہے کہ ملک میں 10اپریل سے 21اپریل سے فضائی آپریشن معطل رہے گا۔

اس سے قبل آج ہی سول ایوی ایشن اتھارٹی نے کورونا وائرس کے پیش نظر اقدامات کے تحت موجودہ مرکزی کنٹرول سنٹر سے دور ایک عارضی اے ٹی سی ریڈار سروسز روم قائم کیا تھا تاکہ پاکستان آنے اور جانے والے طیاروں کی نقل و حمل کیلئے فضائی ٹریفک سروسز کی متبادل خدمات فراہم کی جا سکیں، جس کی اشد ضرورت تھی۔ تاہم اب ملک میں فلائٹ آپریشن 21اپریل تک معطل کردیا گیا ہے۔