شعیب اختر کو پی سی بی کے قانونی مشیر کا نوٹس موصول

میں نے اپنے وکیل سلمان خان نیازی کو اس نوٹس کا بھر پور جواب دینے کا کہا ہے، سابق بائولر

جمعہ 1 مئی 2020 20:54

شعیب اختر کو پی سی بی کے قانونی مشیر کا نوٹس موصول

اسلام آباد(اُردو پوائنٹ اخبارتازہ ترین - این این آئی۔ 01 مئی2020ء) سابق فاسٹ بولر شعیب اختر کو پاکستان کرکٹ بورڈ کے قانونی مشیر تفضل رضوی کی طرف سے ہرجانے کا نوٹس موصول ہوا ہے۔اپنے ایک ٹوئٹ میں انہوں نے کہا کہ پی سی بی کے قانونی مشیر تفضل رضوی کا نوٹس موصول ہوگیا ہے، جو کہ جھوٹ پر مبنی اور من گھڑت ہے۔

(جاری ہے)

شعیب اختر نے کہا میں نے اپنے وکیل سلمان خان نیازی کو اس نوٹس کا بھر پور جواب دینے کا کہا ہے۔سابق فاسٹ بولر نے کہا کہ وہ تفضل رضوی کو نالائق کہنے اور ان کی غیر اطمینان بخش کارکردگی سے متعلق اپنے بیان پر قائم ہیں۔میڈیا رپورٹس کے مطابق تفضل رضوی نے شعیب اختر کو 10 کروڑ ہرجانے کا نوٹس ان کے اسلام آباد کے گھر کے پتے پر بھیجا ہے۔