امریکہ نے سی آئی اے کے مغوی افسر مارک فریریچز کی رہائی کیلئے پاکستان سے مدد طلب کر لی

اتوار 10 مئی 2020 13:40

اسلام آباد (اُردو پوائنٹ اخبارتازہ ترین - این این آئی۔ 10 مئی2020ء) امریکہ نے سی آئی اے کے مغوی افسر مارک فریریچز کی رہائی کیلئے پاکستان سے مدد طلب کر لی۔ امریکی سفارتخانہ کے مطابق رہائی کی مدد کی درخواست زلمے خلیل زاد نے آرمی چیف جنرل باجوہ سے ملاقات میں کی۔ ذرائع کے مطابق مارک فریرچز کا تعلق امریکی نیوی سے ہے۔

(جاری ہے)

ذرائع کے مطابق مارک کو چار ماہ قبل کابل سے اغواء کیا گیا تھا،مارک افغانستان میں قید ہے،اطلاعات کے مطابق مارک داعش کے قبضہ میں ہے۔ ذرائع کے مطابق امریکی دعویٰ ہے کہ مارک کو حقانی نیٹ ورک نے اغواء کیا ہے۔ ذرائع کے مطابق مارک فریرچز سول انجینئر ہے جو اکثر کابل کا دورہ کرتا تھا،مارک کو چار ماہ قبل افغانستان کے صوبے خوست سے اغواء کیا گیا تھا۔