غیر قانونی بھرتیاں ریفرنس ،شاہد خاقان کی حاضری استثنیٰ درخواست منظور، آئندہ سماعت پر حاضری یقینی بنانے کی ہدایت

جمعرات 14 مئی 2020 15:25

کراچی(اُردو پوائنٹ اخبارتازہ ترین - این این آئی۔ 14 مئی2020ء) احتساب عدالت میں سابق وزیر اعظم شاہد خاقان عباسی کی ایک دن کی حاضری سے استثنیٰ کی درخواست منظور کرلی گئی ۔ جمعرات کوسابق وزیراعظم شاہدخاقان عباسی کیخلاف غیر قانونی بھرتیوں کے ریفرنس کی احتساب عدالت میں سماعت ہوئی جس میں وہ پیش نہیں ہوئے۔دور ان سماعت سابق وزیر اعظم اور ارشد مرزا کی جانب سے ایک بار پھر حاضری سے استثنیٰ کی درخواست دائر کی گئی۔

(جاری ہے)

وکیل درخواست گزارنے اپنی درخواست میں کہا کہ فلائٹ آپریشن معطل ہونے کی وجہ سے شاہد خاقان عباسی عدالت میں پیش نہیں ہوسکتے۔شاہد خاقان عباسی کے وکیل نے عدالت کو بتایا کہ اسلام آباد ہائیکورٹ نے بھی عبوری ضمانت میں 27 مئی تک توسیع کردی ہیعدالت نے شاہد خاقان عباسی اور ارشد مرزا کی حاضری سے استثنیٰ کی درخواست منظور کرلی۔اس موقع پر احتساب عدالت نے غیر قانونی بھرتیوں کیریفرنس کی سماعت9 جون تک ملتوی کردی اور آئندہ سماعت پر تمام ملزمان کو حاضری یقینی بنانے کی ہدایت کردی۔