بھارت نے ملائیشین پام آئل’- - خام تیل‘ کی خریداری دوبارہ سے شروع کردی

منگل 19 مئی 2020 13:44

ممبئی (اُردو پوائنٹ اخبارتازہ ترین - اے پی پی۔ 19 مئی2020ء) بھارت نے چار ماہ کے وقفے کے بعد ملائیشیا سے پام آئل کی خریداری دوبارہ شروع کردی ہے ، جس کے بعدسے گھریلو صارفین کے لیے تیل کی قیمتوں میں کمی واقع ہوئی ہے۔

(جاری ہے)

برطانوی ذرائع ابلاغ کے مطابق ملائیشیا میں نئی حکومت کے قیام کے بعد دونوں ممالک کے مابین تجارتی تعلقات بحال ہوئے ہیں جس کے بعد بھارت نے ملائیشیا سے پام آئل کی خریداری دوبارہ سے شروع کر دی ہے اور ملا ئیشیا نے بھی بھا رت سے ایک لاکھ ٹن بھارتی چاول خریدنے کے لئے ایک معاہدے پر دستخط کیے ہیں۔

رپورٹ کے مطابق اس سال کے شروع میں بھارت نے ملائیشین پام آئل کی درآمد پر پابندی اُس وقت عائد کی تھی جب اُس وقت کے وزیر اعظم مہاتیرمحمد نے نئی دہلی کی طرف سے ملک کی مسلم اقلیت کو متاثر کرنے والی پالیسیوں پر تنقید کی تھی تاہم اب ایک ممتازبھارتی درآمد کنندگان تاجروںنے گذشتہ ہفتے ملائیشیا سے 2 لاکھ ٹن خام پام آئل درآمد کرنے کا معاہدہ کیا ہے ۔