اسلام آباد ،ڈائمنڈ کرکٹ اکیڈمی گرائونڈ سیل کردیا گیا

ْاسلام آباد کرکٹ ایسوسی ایشن کے سابق صدر شکیل شیخ کا گرائونڈ سیل کرنے پر افسوس کا اظہار 005 سے یہ اراضی اکیڈمی کیلئے ہمارے نام منظور ہو چکی ہے جس کے تمام کاغذات موجود ہیں، انتظامیہ

بدھ 20 مئی 2020 12:32

اسلام آباد ،ڈائمنڈ کرکٹ اکیڈمی گرائونڈ سیل کردیا گیا

اسلام آباد (اُردو پوائنٹ اخبارتازہ ترین - این این آئی۔ 20 مئی2020ء) اسلام آباد کے سیکٹر جی ایٹ میں ڈائمنڈ کرکٹ اکیڈمی گرائونڈ سیل کردیا گیا۔اے سی مہرین بلوچ نے ایم سی آئی اور سی ڈے اے کے ساتھ مشترکہ کارروائی کرکے گرائونڈ سیل کیا۔ گرائونڈ میں 200 سے زائد بچے اور نوجوان کرکٹرز پریکٹس کرتے تھے۔نجی ٹی وی کے مطابق میٹرو پولیٹن کارپوریشن اسلام آباد نے 14 مئی کو ایک نوٹس میں لکھا تھا کہ کلب کا ایک حصہ ناجائز تجاوزات کے زمرے میں آتا ہے لہٰذا یہ جگہ 3 دن کے نوٹس پر خالی کردیا جائے تاہم حکم پر عملدرآمد نہ ہونے کے بعد ایم سی آئی نے کارروائی کرتے ہوئے کلب کو سیل کردیا۔

ایم سی آئی نے پہلے بھی ڈائمنڈ اکیڈمی گرائونڈ سیل کرنے کی کوشش کی تھی۔ تاہم وزیر مملکت شہریار آفریدی نے ایم سی آئی کی کارروائی رکوادی تھی، کرکٹر عماد وسیم اور عابد علی اسی اکیڈمی میں پریکٹس کرتے رہے ہیں۔

(جاری ہے)

اسلام آباد کرکٹ ایسوسی ایشن کے سابق صدر شکیل شیخ نے بھی گرائونڈ سیل کرنے پر افسوس کا اظہار کیا۔انہوںنے کہاکہ اسلام آباد میں پہلے ہی کرکٹ کے گرائونڈز کی کمی ہے، حکومت سے درخواست ہے کہ نوجوان کرکٹرز کے مستقبل کی خاطر گرائونڈ ڈی سیل کریں۔دوسری جانب انتظامیہ کا کہنا ہے 2005 سے یہ اراضی اکیڈمی کے لیے ہمارے نام منظور ہو چکی ہے جس کے تمام کاغذات موجود ہیں۔