اسلام آبادہائیکورٹ،میئر اسلام آباد شیخ انصر عزیز کی معطلی کانوٹیفکیشن معطل، عہدے پر بحال

جمعرات 21 مئی 2020 19:38

اسلام آباد ۔ (اُردو پوائنٹ اخبارتازہ ترین - اے پی پی۔ 21 مئی2020ء) اسلام آبادہائیکورٹ کے جسٹس محسن اخترکیانی کی عدالت نے میئر اسلام آباد شیخ انصر عزیز کی معطلی کانوٹیفکیشن معطل کرتے ہوئے میئرکو عہدے پر بحال کردیا۔ جمعرات کے روز میئر اسلام آباد شیخ انصر عزیزاپنے وکیل عادل عزیز قاضی کے ہمراہ عدالت پیش ہوئے اس موقع پرسیکرٹری چیئرمین لوکل کمیشن افسر علی سفیان عدالت میں اصل ریکارڈ کے ہمراہ پیش ہوئے۔

(جاری ہے)

عدالت نے سیکرٹری چیئرمین لوکل کمیشن کی جانب سے پیش کیے گئے ریکارڈ پر برہمی کا اظہارکرتے ہوئے کہاکہ عدالت میں ریکارڈ ایسا پیش کیا جاتا ہے، کیا ایم سی آئی کے ساتویں اجلاس کے ایجنڈے میں میئر کی معطلی شامل تھی، جس پر سیکرٹری چیئرمین لوکل کمیشن نے عدالت کو بتایاکہ نہیں اجلاس کے ایجنڈے میں شامل نہیں تھا، جس پرعدالت نے برہمی کا اظہار کرتے درخواست کی سماعت میں کچھ دیر کا وقفہ کردیا اور بعد ازاں سماعت کے دوران وفاقی حکومت کی طرف سے میئراسلام آبادکو90 روز کیلئے معطل کرنے کاحکم معطل کرتے ہوئے میئرکو عہدہ پربحال کردیا اور سماعت ملتوی کردی گئی۔