طیارہ حادثہ،ماہرہ خان کی لواحقین سے تعزیت

پی آئی اے کی پرواز پی کے 8303 نے دوپہر 2 بجکر 40 منٹ پر جناح انٹرنیشنل ائیرپورٹ پر لینڈ کرنا تھا

ہفتہ 23 مئی 2020 00:02

اسلام آباد (اُردو پوائنٹ اخبارتازہ ترین - این این آئی۔ 22 مئی2020ء) پاکستانی فلموں اور ٹیلی ویڑن کی مشہور اداکاہ ماہرہ خان نے لاہور سے کراچی آنے والے پی آئی اے کے طیارے کے حادثے میں جاں بحق ہونے والے تمام افراد کے خاندانوں سے دلی تعزیت اور افسوس کا اظہارکیا ہے۔ماہرہ خان نے اپنے ایک ٹوئٹر پیغام میں دعا کی کہ اللّٰہ تعالیٰ تمام مرحومین کی مغفرت فرمائے اور جو محفوظ رہے انہیں جلد صحتیابی عطا کرے۔

(جاری ہے)

واضح رہے کہ لاہور سے کراچی آنے والی قومی فضائی ادارے کی پرواز کراچی میں لینڈنگ سے 30 سیکنڈ قبل حادثے کا شکار ہوگئی جس کے نتیجے میں درجنوں افراد جاں بحق ہوگئے۔ایوی ایشن ذرائع کے مطابق پی آئی اے کی پرواز پی کے 8303 نے دوپہر 2 بجکر 40 منٹ پر جناح انٹرنیشنل ائیرپورٹ پر لینڈ کرنا تھا۔طیارہ لینڈنگ اپروچ پر تھا کہ کراچی ایئر پورٹ کے جناح ٹرمینل سے محض چند کلومیٹر پہلے ملیر ماڈل کالونی کے قریب جناح گارڈن کی آبادی پر گر گیا۔