آزمائش کی گھڑی میں پاکستانی قوم اللہ تعالیٰ کی ذات سے ہرگز نا امید نہیں، ہمایوں اختر خان

کورونا وائرس سے اموات و طیارے کے حادثے سے قوم دل گرفتہ ہے، سینئر مرکزی رہنما

ہفتہ 23 مئی 2020 15:04

آزمائش کی گھڑی میں پاکستانی قوم اللہ تعالیٰ کی ذات سے ہرگز نا امید ..

لاہور (اُردو پوائنٹ اخبارتازہ ترین - اے پی پی۔ 23 مئی2020ء) پاکستان تحریک انصاف کے سینئر مرکزی رہنما و سابق وفاقی وزیر ہمایوں اختر خان نے کہا ہے کہ اس وقت کڑی آزمائش کی گھڑی ہے لیکن پاکستانی قوم اللہ تعالیٰ کی ذات سے ہرگز نا امید نہیںہے ، کورونا وائرس سے اموات اور پی آئی اے کے جہاز کو حادثے سے قوم دل گرفتہ ہے ، اللہ تعالیٰ سے دعا ہے کہ ہمیں مشکل وقت سے نجات دے اور ہمارے حوصلے بلند رکھے۔

(جاری ہے)

اپنے بیان میں ہمایوں اختر خان نے کہا کہ پی آئی اے کے طیارے میں قیمتی جانوں کا ضیاع قومی سانحہ ہے جسے قوم کسی صورت بھلا نہیں سکے گی، اس حادثے کی تحقیقات کرائی جائیں گی اور اس کی وجوہات کو سامنے لایا جائیگا۔ انہوں نے کہا کہ پوری قوم کورونا وائرس اور طیارے کے حادثے میںجاں بحق ہونے والوں کے خاندانوں سے اظہار تعزیت اور ان کے غم میں برابر کے شریک ہے ، پاکستانی درد دل رکھنے والی قوم ہے اور متاثرہ خاندانوں کو مشکل کی اس گھڑی میں کسی صورت تنہا نہیں چھوڑا جائیگا۔ ہمایوں اختر خان نے کہا کہ عوام سے اپیل ہے کہ آزمائش اور مشکل کی اس گھڑی سے نجات اور ملک و قومی کی سلامتی اور ترقی کیلئے اللہ تعالیٰ کے حضور گڑگڑا کر دعائیں مانگیں۔