پاک فضائیہ کا پی آئی اے حادثے میں شہید ہونے والوں کے خاندانوں سے اظہار یکجہتی

ہفتہ 23 مئی 2020 23:59

کراچی۔ (اُردو پوائنٹ اخبارتازہ ترین - اے پی پی۔ 23 مئی2020ء) پاک فضائیہ نے گذشتہ روز کراچی میں ہونے والے پی آئی اے کے المناک حادثے میں شہید ہونے والوں کے سوگواران سے اظہار تعزیت کیا ہے۔

(جاری ہے)

ہفتہ کو جاری کردہ اعلامیہ میں ترجمان پاک فضائیہ نے بتایا ہے کہ اس حوالے سے پاک فضائیہ کے شعبہ تعلقات عامہ نے ایک مختصر ویڈیو نشرکی ہے جو پوری قوم اور بالخصوص اس حادثے میں شہید ہونے والے افراد کے لواحقین سے اظہار یکجہتی ہے۔

پاک فضائیہ سے وابستہ تمام افراداس حادثے پر بہت افسردہ ہیں اور انہوں نے پی آئی اے کی پرواز پی کے 8303 کے عملے کے اہل خانہ کے ساتھ بھی دلی تعزیت کا اظہار کیا ہے۔ پاک فضائیہ نے پی آئی اے کو اس مشکل گھڑی میں ہر ممکن مدد کی پیش کش کی جبکہ اس کے اہلکار امدادی سرگرمیوں میں بڑھ چڑھ کر حصہ لے رہے ہیں۔